ليه تشترى هاتف فلاجشيب ابل؟

يعنى ايه فلاجشيب، فلاجشيب يعنى الموبايل الرائد من الشركة واللى بيكون احسن حاجة عندها فى الوقت اللى نزل فيه من حيث اكثر من جهة منها استقرار النظام افضل

علي ماهر

يعنى ايه فلاجشيب، فلاجشيب يعنى الموبايل الرائد من الشركة واللى بيكون احسن حاجة عندها فى الوقت اللى نزل فيه من حيث اكثر من جهة منها استقرار النظام افضل كاميرا لهذه النسخة افضل اداء للجهاز النقال، وهذا ما تتنافس فيه شركات صناعة الهواتف المحمولة ابل Apple وسامسونج Samsung وهواوي Huawei وشاومي Xiaomi واوبو Oppo وغيرها من شركات تصنيع الهواتف الرائدة الان علي المستوي العالمي، لكن ايه اسباب انك تشتري فلاجشيب flagship من إبل.

قد يهمك:

حسب تقرير TechWarts علي فيسبوك اشارة الي اهم اسباب شراء اجهزة فلاجشيب من ابل

الاداء :

موبايلات ابل بتاعت السنة بتكون هى الاقوى فى الاداء ليها سنين كتير على الحال ده ، انت مش بس بتضمن اداء عالى لا كمان بتضمن استمرارية الاداء العالى ده لفترات طويلة مقارنة باى فلاجشيب فى سعره … كمان مستحيل يبقى فيه موبايل من ابل اداءه كارثى فى سنة من السنين او يحصل فيه مشاكل قاتلة فى الاداء زى ما الناس بتشتكي من اكسينوس

الاساسيات :

الجزء ده يبان انه سخيف شوية ما كل الموبايلات بتعمل الاساسيات ايه الجديد ؟ الفكرة هنا ان كل حاجة شغالة كويس فى ابل واحسن من اى جهاز تانى فلاجشيب كمثال مش هتلاقى الضهر فيه هزة مع الصوت العالى الستيريو زى اجهزة سامسونج قبل النوت ١٠ ، مفيش شبكات وحشة زى بعض فلاجشيب شاومى ، مفيش حرارة تخلى الجهاز يعمل ثروتلينج اه لكن اداءه ثابت ، مايكات من الافضل مفيش تقليل فى حجم سماعة المكالمات عشان التصميم ولا نضيق السيلفى عشان ياخد مساحة اقل ، لا كل حاجة زى ما مفروض تكون شغالة

الكاميرات :

مفيش فلاجشيب من ابل الكاميرات بتاعته دون المستوى فى السنة اللى ظهر فيها ، مستحيل تلاقى ده لكن فى اندرويد فيه كتير كاميرات بتكون مش حلوة فى السعر بتاع الفلاجشيب وتبقى عارف انك بتضحى بالكاميرا نوعا ما ومش زمان بس لا لدلوقتى زى ون بلس ٩ العادى مثلا والمى ١١ دى موبايلات معدية ال١٢ الف وكاميرات مش حلوة ، كمان عنده افضل تصوير فيديو

راحة البال :

ايفون اكتر موبايل ترشحه وانت مطمن وكمان اكتر موبايل تشتريه وانت بالك مرتاح ان مفيش مشاكل ، مفيش ايفون بيظهر فيه مشاكل غير ايفون ٦ واحتلت فى الدفعة اللى بعدها وكان فيه استرجاع وهكذا ، كان فيه رد فعل سريع جدا من الشركة … سعره اللى دلوقتى مقارنة بالفلاجشيب بتاع اندرويد منطقى وارخص وبيحافظ على سعره ومعاك دعم لخمس سنين وطالع من التحديثات

جودة التطبيقات :

الموضوع مش مقتصر بس ان التطبيقات شغالة افضل على ايفون لا كمان فيه تطبيق لكل حاجة انت عايزها وشغال بطريقة مثالية جدااا ، متعوب عليه فعلا ومعمول باهتمام … اى ميزة جديدة فى ايفون بتلاقى اهتمام كبير بيها من المطورين واستغلالها بافضل شكل ممكن بيحسن التجربة دى جدااا ويعززها

الابل ايكو سيستم :

ابل مش بس عندها افضل ايكو سيستم لا كمان عندها افضل منتجات ممكن تشتريها فى اغلب الفئات بتاعت الايكو سيستم ، عندها افضل ساعة وافضل تابليت وافضل سماعة لو هتشتغل مع ايفون بس ( كواليتى صوت وكدة مش الاجمد طبعا بتكلم بشكل عام من كل حاجة ) ، باستثناء الماك يعنى عشان انا من ويندوز تيم بس فيه ناس بتحب الماك … دخولك الايكو سيستم حتى لو الاختيارات محدودة بيضمن ليك منتجات قوية بتبقى الافضل كمان كقيمة

التفاصيل :

ابل من اكتر الشركات اللى بتهتم بالتفاصيل الصغيرة زى شكل الموبايل ومواد التصنيع وانه يبقى مختلف ومميز وليه هوية انت عارف ان ده ايفون وعارف كمان ده ايفون كام سواء من لون او شكل الكاميرات ، شكل السوفت وير والانيميشنز وتوحيدها فى كل اجهزتها عشان تحس ان الدنيا ماشية مع بعض ، كل حاجة معمولة باتقان شديد جداا ، فيه ناس كمان بتشترى ايفون عشان مهم لشغلهم ( مش فاهم النقطة دى بس بيقولو ان العميل او صاحب الشغل بيحترمهم اكتر او حاجة من العبط ده يعنى )

دى كانت نقاط مهمة تخليك تفكر فى فلاجشيب ابل كاختيار حقيقى وانت بتشترى ، شخصيا بفضل ارشح ايفون لاى حد بعيد شوية عن الموبايلات وعايز موبايل حلو يصور بيه ويقعد معاه فترة كبيرة عشان يبقى مطمن ان مفيش مفاجأت غير سارة هتحصل

بعض التعليقات والردود علي هذا التقرير

Mohamad Khattab
اني بقلك ليش
... شحن زريبي لايخص الشحن السريع باي شيء
شاشة 60 هرتز زريبية
لاتوجد خاصية دائما على الشاشة
افتقار الهاتف لبصمة الاصبع او البصمة على الشاشة
سكة التطور بطيئة جدا وتكاد تكون معدوة
+ كثير من التفاصيل يلي تم ذكرها فوق قد تكون صحيحة لكن غير مهمة ل 99.99 من المستخدمين حول العالم طبعا بغياب الفانبوي ابل ..
نظام يكاد يكون مغلق لا كراكات لا برامج مجانية مدفوعة يمكن ان تجد الكثير من القمامة في متجر ابل للتطبيقات تباع بمئات الدولار فقط لان تلك التفاحة المقضومة من قبل قرد موجودة ...
لهذه الاسباب فلاك شيب ابل هو الازرب ...
فان بوي لا تصرعونها ترى ست اجيال نفس التلفون نفس الشكل بس شاشة اكبر شوي ...
اقنعني انو افضل جهاز بالعالم
بالنسبة لعملي من المستحيل الاستغناء عن نظام اندرويد
واوووووووو ابداع

محمد ناصر
مافيش فلاغ شيب يستاهل الشراء غير ايفون وسامسونغ فقط ...لهذا الكلام مالوش اي لازمة

قاسم
اكيد ابل ليها مكانة كبيرة و ارقام مبيعاتها بتدل على ثقة المستهلك فيها ، بس كونك تحطها في مقارنة مع شركات ثانية في الاداء والثبات بتستخدم نظام تشغيل مختلف ده نوع من انواع الغلط ... اما المقارنة من حيث جودة التصنيع اعتقد ان فعلا ابل افضل اما لو بتتكلم عن المميزات فالاندرويد سابق ios بسنين ضوئية ، حتى من حيث سنين الدعم شركة زى سامسونج بدات تهتم و زودت سنين الدعم ... و اعتقد ارقام مبيعات شركة زى سامسونج كفيلة تتكلم عنها ، و حتى هواوى الى كانت بدات تدخل المجال بقوة لولا تدخل الامريكان ... اسطورة ابل العظيمة التى لا تقارن قربت تنتهي من عقول ناس كثير و دى ما يمنعش انه موبايل محترم بس استغلاله للمستهلك شى مبالغ فيه و عدم استعداده لتقديم مميزات و تقنيات حديثة للمستهلك .

ابل بتدى فوق الخمس سنين ، سامسونج 3 فمفيش مقارنة
ده نظام وده نظام ده حقيقى بس انت بتشترى جهاز وبتشوف مين بيعمر فى ايدك اكتر .. واختلاف النظام ده مشكلة شركات اندرويد مش مشكلتى .. زى ان ابل بتستنى على الحاجة كتير عشان تنزلها ده مشكلتها .. انا هنا بقول اسباب تخليك تشترى ايفون مش بحلل النظامين .. اتمنى تكون فهمت قصدى
فعلا ابل ما زالت متفوقة في سنين الدعم ، فاهم طبعا انك بتقول ليه تشتري ابل ، و في كل الاحوال الاختيار للمستهلك في النهاية الى بيحدد الانسب ليه لعوامل كثير خاصة بيه

Mody Amir Starr
و الدليل على كده انها بقت في المركز التالت بعد سامسونج (الاولى) ، و شاومي(التانية)

قد يعجبك:

ابل هواتف