تلميع السيارة ما بين الاضرار والفوائد

تابع أيضًا:

ما هو الايرباق؟ أهمية ووظيفة أساسية للسلامة في السيارات
تعرف على نظام "الايرباج" في السيارات، وأهمية وظيفته الأساسية في حماية السائق والركاب أثناء الحوادث.

كيف تتصرف بشكل صحيح بعد سرقة سيارتك؟ إجراءات التبليغ عن سرقة سيارة
اكتشف الخطوات التي يجب اتخاذها بعد سرقة سيارتك، من إجراءات التبليغ إلى حماية نفسك من التبعات القانونية.

ما الذي يمكنك فعله لتوفير الوقود: 10 طرق مذهلة
تعرف على 10 طرق مذهلة يمكنك من خلالها توفير الوقود وتحسين أداء سيارتك بشكل فعّال.

ما هو تهبيط السيارة وماهي فوائده واضراره؟
اكتشف مفهوم "تهبيط السيارة"، وفوائده وأضراره على الأداء العام للسيارة وجودة القيادة. 

المفهوم ده للأسف شائع عند ناس كتير ومفهوم غلط هلخصلكو ابرز الأخطاء اللي بنعملها وبعدها هوضحلكم الصح من وجهة نظري المتواضعة يعني

   

اسوا ما صنعه الشعب المصري 😂😂 فوطه فيها جاز وهاتك ي دعك طبعا ده بيعمل تجريح في الدهان ويكلح اللون ويعمل الدواير اللي كل الشعب بيكرهها ويقولك معرفش جت منين.. الفوطه ده بتشيل تراب كتير واوساخ اسوا كل مره بتستعملها تركيبه ذرات الغبار تشبه الكريستالات وده بتجرح اللون والجاز لما الشمس بتضرب فيه بيحرقلك اول طبقه في اللون وده بيسبب انطفاء لون ومع الوقت تكليح.

 مش في اي مغسله والسلام مش اي مغسله المفروض تثق فيها زي ما انت مبتثقش في اي ميكانيكي لازم المغسله تختارها تكون سمعتها كويسه َوخاماتها قدام عينك نظيفه لان ٩٩٪ من المغاسل للاسف بيستعملو بيريل سائل تنظيف الصحون وده بيدمرررررر اللون حرفيا وفوط لا تصلح للعربيات اساسا.

 😒 هو ماشي بيلمع بس بياكلللل الكاوتش وبينشفو وبيقصف عمره فعليا تخيل بيعمل ايه في العظم هيعمل ايه في حته كوتشه ده غير انو بيلزق وبيلم تراب والشكل بيباه مش حلو خالص بعد يومين ولا حاجه.

ده بعض اكبر الاخطاء اللي بنقع فيها... هتقولي طيب يا عم يا فلوطه قولنا نعمل ايه بدل الهري وان كل حاجه غلط!،  هقولك يا مدير/ة.

 الدنيا اتطورت يعني في منتجات زي ايزي كلينر انا شخصيا بشتغل بيه بيزيل التراب وبيلمع وبيعمل طبقه واكس وحمايه تدوم اسبوع وممكن تستعملو كبديل للفوطه الزفره مع فوطه ميكرو فايبر او كغسيل كامل مره اسبوعيا وبكده مفيهش صابون ولا ميه يعني لمعه وحمايه ومفيش بارومه وزيرو تكليح وهتوفر فلوس كتير اوي.

موضوع المغسله كمان سهل نقي مغسله كويسه وتكون سمعتها وخاماتها معروفين فوط ميكرو فايبر وشامبو غسيل محترم ولو ملقتش هاتلك ازازه شامبو خاص بالعربيات زي فابريكا او فورملا واتنين فوطه فايبر وخليهم معاك وفي المغسله يغسلك بحاجتك.

 

ملمع الكاوتش يا تشتري ملمع كاوتش شركه محترمه علشان يعملك ترطيب للكاوتش وده عملو الاساسي لان الترطيب اولا ثم الشكل الجمالي ثانيا او في المغسله تخليه يلف علي الكاوتش بالكاتشر ( مسدس الميه) كذا مره هتلاقي الكاوتش بيلمع كذا يوم بس يكون كاتشر قوي

فكره التلميع والاهتمام بالدهان زيها زي الاهتمام بالميكانيكا بالزبط لان في الاول والاخر ده فلوسك وشقاك وتعبك فانت بتحافظ علي العربيه بالكامل مش حته وحته

ملاحظات هامة:

١-البولش مش كولو مضر ومش محتكر علي القديم انا بلمع عربيات معلقتش نمر لسه وبعملها حمايه وسوفتنر كمان.

٢- السوفتنر بيقوي الدهان مش بيضعفو ولذالك انا بشتغل بيه

٣- الواكس و الحمايه مش هجص وربنا والخواجه بيستعملو باستمرار علشان كده بنجيب عربيات وارد اوروبا بتكون بتلمع و فبريكا برضو.. وربنا وممكن تعملو مره كل شهر او اكتر كمان انت بتطول عمر الدهان.

٤- ملمع التابلوه لازم يكون فيه واكس علشان يرطب التابلوه وميشققش يعني متفرحش باللمعه وخلاص

٥-لو هتعمل كيماوي داخلي نقي الماتيريال اللي المكان هيشتغلك بيها وبلاش تقولو اتصرف انت اعرف ايه هيتحط علي فلوسك علشان في انواع كانو بطاس ومدمرررررر

٦-خلي جنوطك دايما نظيفه حتي لو مش جنط سبور لان ده جزمه العربيه. ينفع تمشي وجزمتك مش نظيفه؟