تعد الشاحنات الكبيرة "التريلات" هي ملوك الطريق وربما تسألت عن ماهو الفرق بين الشاحنات الأمريكية والشاحنات الأوروبية؟، وفي هذا الموضوع نستعرض سويآ اهم الاختلافات بين التريلات الاوربية والكساحة الامريكية بشكل مبسط ان شاء الله.
اولا .. الكابينه حجمها ضخم خلف المحرك وبيوصل طول العربيه ل 8 متر
عكس الأوروبية الكابينه فوق المحرك
لكن يبقى السؤال ليه الإختلاف ؟ و ايه المزايا والعيوب لكل نوع ؟
الشاحنات الأمريكية تمتلك كابينه ضخمة تحتوي على كل مقومات المعيشه من خزائن و تلفاز و ميكروويف و تويلت
كل ده لأن معظم السائقين الأمريكيين يملكون شاحناتهم الخاصة و يعيشون فيها لمدة قد تصل لأشهر بسبب طول مسافات النقل بين الولايات
وكمان مدة القياده المسموح بها في الولايات المتحدة ( 11 ساعة في اليوم )
كمان القاعدة الطويلة للشاحنة تجعلها أكتر راحة على الطرق
كمان وجود المحرك أمام الكابينه يقلل من الإهتزازت في الكابينه .
كمان لقدر الله حاله الحوادث . اكثر امان عالسائق
المحركات الامريكيه حاليا معظمها اقتصاديه عكس زمان بدايه من ٢٥٠ حصان وصولا ل ٤٠٠ حصان و٤٢٠ و٤٤٠ حصان امريكي عفي صحته مساعداه
لكن الشاحنات الاوروبيه نادر جدا تلاقي محرك إقتصادي
كمان طول العربيه المصرح بيه كان 17.9 متر وسنه ١٩٨٦ تم الغاء القانون اللي بيحدد طول العربيه كلها
السرعة المسموح بها بتوصل ل 137 كيلومتر في بعض الطرق
لكن العيوب بسبب ضعفها في النقط العمياء بسبب الكبوت الكبير . كمان صعوبة التحكم فيها بسبب طولها
لكن دي مشاكل لا يعاني منها الكثير نظرا للطرق الطويلة و الواسعة التي تملكها الولايات المتحدة ..
بالنسبة لامريكا ح اصلح شوية معلومات صغيرة لا تذكر ولكن للحابب يعرف اكتر ..فا اسمحلي محمد بك الحداد ازيد بعض النقاط التى البعض قد يغفلها..
اول نقطة احب اضيفها هى :
ان اوربا متقدمة عن امريكا فى الشاحنات ..و لذلك لما قوانيين البيئة ابتدأت تطبق فى امريكا بداية من (٢٠٠٧) حصل خلل كبير فى الاسواق الامريكية حتى نهاية ٢٠١٣ …لدرجة غربلة السوق و الاطاحة بعملاق المواتير و هى شركة كات ربيلير (Caterpillar)لعدم صمودها مع علب البيئة و مايخص ذلك..بعكس شركة ڤولڤو اللى كانت رائدة فى هذا المجال و عندهم الخبرة الكافية فى غزو السوق الامريكي ..
الڤولڤو فى امريكا من منتصف الثمانينات…ولكن دخل السوق بذكاء لتعند المفهوم الامريكى و كبريائهم وحبهم للمواتير الامريكية و عدم السماح بأي شركة اوروبية ان تدخل السوق الامريكي…فدخلت ڤولڤو بالكباين فقط و تترك للمستهلك ان يختار ما بين نوعين من انواع المواتير الامريكية ان تضع على الكبينة المختارة..حتى تأكدت من تواجدها فى السوق و ابتدأت تطلق مواتيرها الخاصة بها …
انواع المواتير اللى فى امريكا حالياً :
•ڤولڤو الى وقت قريب كان عندنا ٣ فئات :
D12 حوالي ١٢ سعة لتريه
يبدأ من ٣٥٠-٤٣٠ حصان و الى الان من احب المواتير للشركات بالذات للمسافات القصيرة
ثم يليه D13
حوالى ١٣ سعة لترية وهو الاكثر انتشاراً فى امريكا و يبدأ من حوالى ٤٥٠-٥٠٠ حصان و عزم يبدأ من ١٦٥٠ الى ١٨٥٠
و كبيرهم كان D16
وده بصراحة كان اسد على الطريق…و لكنه للاسف فى بداية انتشاره فى ال ٢٠٠٥ واجهة الشركة صعوبات فى التربو المكسيكي و ادى الى سمعة غير طيبة بهذا الموتو…ولكن الموتور فى حد ذاته يعمل بنفس كفائة اخوته الاصغر…
الڤولفو نشأت لنفسها سوق كبير فى امريكا و من اكثر مميزاتها الراحة …و الاستهلاك الاقتصادى لها …متوسط الاستهلاك للامريكانى فى ٢٠٠٧ مثلاً كان ٦ ميل لكل جالون ..بالرغم حين ذاك الڤولفو كانت ٨ ميل لكل جالون
" الميل = ١.٦ ك م"……..جالون ( ٤ لتر).
نيجى لماركة الفريت لاينير freightliner
للناس اللى ماتعرف …الشركة دية مملوكة لشركة ديملر كرايزلر و هى ما تمتلك شركة مرسيدس…
فابالتالي من ٢٠٠٩ تقريباً مواتيرها هى مواتير العملاق مرسيدس بنز وتسمى بتدرويد Detroit
البلوك بينز و حوالى ٨٠٪ و اكثر الاجزاء والحساسات مرسيدس بينز
طبعاً البيز كان مكروه بشكل غير عادى هنا فى الولايات الامريكية ( السهل الممتنع)…ولكن تحت نزوله الاسواق تحت اسم شركة امريكى هو اللى نشره فى السوق..
انواعه كالاتى :
DD13 DD15 DD16
الاكثر انتشاراً هو ال ١٥ لتر
و ممكن ده تعتبره مرسيدس بالفعل .
و طبعاً يبدأ من 400-505 حصان و عزم من 1550 الى 1750
(وال DD16 من 500-600 حصان و 1850-2050 عزم )
فى الاخير لانى حاسس انى طولت عليكم
مواتير cummins كومينز
الاكثر انتشاراً فى امريكا و الاقوى حالياً….قبل القضاء على الكاتربيلير كان بيحاول على طول الوصول الى القمة ….و بعد استستلامالمواتير الصفراء نال الكومينز ( المواتير الحمراء ) بشرف القمة
ومنه نواعان
ISX 15 ISX16
ولكن ال ١٥ اكثر انتشاراً و يبدأ من ٤٥٠ الى ٦٠٠ حصان و عزم يبدأ من ١٨٥٠ الى ٢١٥٠ تقريباً .
اخر حاجة و ده يعتبر سوق جديد من حوالى ١٠ سنيين و هو :
مواتير ال باك كار Paccar
و الشركة اللى تمتلكه شركات صانعة الشاحنات ( البيتربيلت) Peterbilt
مازال يحاول اثبات مكانته فى السوق موتو قوى و موفر فى استهلاك الديزل.
• بالنسبة للنقط العمياء الفرق مش كبير كما يتخيل البعض….و لكن الفرق كله فى maneuver
السواقة فى الاماكن الضيقة..طبعاً الاوربى يكسب بفرق كبير .
ولكن بحكم امريكا تعتبر كبيرة فى تقسيم الشوارع فلا تحتاج الاوربى ..الا بعض الاماكن القديمة زى مدينة نيويورك و شبه ذلك..نسبه يمكن لا تتعدى ال ٥٪ من باقي الولايات.
• بالنسبة للقوانين و ماشبه ذلك اذا حببتوا ممكن نتكلم في بوسط لوحده .
معلش طولت عليكم معلومات مش دقيقة 💯 ٪ ولكن الارقام قريبة جداً للصحة .
تحياتى لكم جميعاً 
زودت لينك لڤولڤو ولكن بالطلب ( بيت متنقل )
كبينة خلفية ( من بعد كرسي السائق) بحوالي ١٣٢ بوصة ( بوصة ٢.٥ سم) على محمور عجل ٢٨٥ بوصة
الشاحنات الاوربيه افضل من ناحيه الاقتصاد والصيانه وقطع غيارها متوفره بشكل افضل وزى ما حضرتك قلت ان النقطه العميه واوربا وضعت قوانين لطول وعرض الشاحنه بمواصفات تتناسب مع البيئه والامن والسلامه
الشاحنات الحديثه الامريكيه بتكون اقتصاديه فى الوقود لكن قطع الغيار مش متوفره بشكل اكبر من الشاحنات الاوربيه صباحك رضا من الرحمن
طب دى يا هندسه تتوافق مع السوق العربي ولا هتكون صعبه
اولا غاليه جدا
ثانيا عشان تتوافق. يبقي لو دخلت ١٠٠ عربيه يكون في ٢٠ عربيه متقطعين قطع غيار لل ١٠٠
ثالثا الطرق عندنا ٤٠% يستوعبها و٦٠% يرفضها
النقاط العمياء بتنحل بالكمرات
الأمريكي شاسية أطول واعرض بيخلي العربية متماسكة وثابتةعلى الطريق والمكينة موفره جدا وبسيطه في تصنعها وصيانتها
فيه شركات أوروبية بتنتج شاحنات بمواصفات امريكية
(زي ڤولڤو مثلا)
المصدر: ملوك ع الطريق
