لو
عرفت كم الأزمات والصراعات اللي مر بيها براند كونفرس على مدار التاريخ
هتضربله تعظيم سلام انه لسة صامد وواقف على رجله لحد دلوقتي.
الشركة
أعلنت افلاسها مرتين مرة سنة 1929 في فترة الكساد الكبير بعد مبيعات ضخمة
ومرة سنة 2001، والمرة التانية دي بعد ماتم الاستحواذ عليها 4 مرات، 3 مرات
منهم في 14 سنة بس!
أحذية
كونفرس كانت أيقونة لاعبي الباسكت في السبعينات، وكانوا بيتعاقدوا مع نجوم
الباسكت للترويج لأحذية كونفرس، لدرجة ان في التسعينات كونفرس عملت صفقة
هي الأولى من نوعها مع دوري الـ NBA تحت شعار "الحذاء الرسمي للاعبي الـ
NBA" وعملت مبيعات ضخمة.
الشركة
بدأت تتوسع عالمياً في الثمانينات وبدأت في الدخول للأسواق الأوروبية
والآسيوية، لكن في الوقت ده المنافسة كانت بدأت تكبر وخاصة مع نايكي
واديداس وبوما، وبقوا يدفعوا للمشاهير اكتر بكتير اوي من اللي كونفرس
بتدفعه.
لدرجة
انهم كانوا عاملين عقد رعاية مع اللاعب الأعلى قيمة في دوري NBA وقتها
"ماجيك جونسون" الراجل طلع قال انه ندمان على العقد ده لما عرف انه بياخد
كلام فاضي من كونفرس مقارنة باللي بتدفعه البراندات التانية.
براند
كونفرس بدأ يخبط لحد ما أعلن افلاسه للمرة التانية سنة 2001 وهنا كان خلاص
النهاية جت والبراند بيموت، بس نايكي كان ليها كلام تاني.
سنة 2003 نايكي دخلت في الصورة وأعلنت مرة واحدة استحواذها على كونفرس بقيمة 305 مليون دولار، وده رقم يعتبر ببلاش!
كونفرس
في الوقت ده كانت بتحقق مبيعات بـ 200 مليون دولار سنوياً وده رقم ضعيف
جداً جداً وبعد استحواذ نايكي عليها واشتغلت عليها على مدار 20 سنة..
البراند رجع تاني وتجاوزت مبيعاته الـ 2 مليار دولار سنوياً، لحد ماوصل
لمبيعات حالياً 2.3 مليار دولار.
قبل
استحواذ نايكي على كونفرس، كان براند كونفرس بينافس نايكي لكن لما اشترته
قررت تحطه في Position تاني خالص بعيد عن نايكي ويمكن ده سر صعود كونفرس
مرة تانية وزيادة مبيعاته خلال السنين اللي فات.
كلنا
عارفين طبعاً ان نايكي بتسوق لعلامتها التجارية بشكل مباشر للرياضة ودي
برضو كانت الحتة اللي بيلعب فيها كونفرس طول عمره، فمش هينفع خلاص الاتنين
يلعبوا في نفس الحتة.
نايكي
عملت شعار خاص لكونفرس وسمته " Crafted for Life" يعني مصممة للحياة،
وبدأت تحط أحذية كونفرس في Position الحذاء المريح اللي هيكون اختيارك
الأول لحياتك ونشاطاتك اليومية أياً كانت هي ايه وبعدته تماماً عن طريقها
وطريق الرياضة.
ولحد دلوقتي كونفرس محطوط في الركن ده مبيحاولش يخرج منه ولا بيحاول ينافس بشكل حقيقي، لكنه شغال وبيبيع تحت جناح نايكي.
هل
شايف باستحواذ نايكي على كونفرس رجعته للحياة مرة تانية؟ ولا قضت عليه؟
لأن لو كان حد تاني استحوذ على كونفرس كان ممكن يرجع ينافس بيه نايكي مرة
تانية ويعملهم مشكلة!
