شركة Klarna وخسارتها امام شركة ابل الامريكية بالسوق

تخيل يبقى عندك واحدة من أكبر الشركات في مجالها في العالم وقيمتها أكتر من 45 مليار دولار وفي أقل من ساعتين وانت بتتفرج على فيلم في السينما تخرج تلاقيهم بيقولولك الحق الشركة خسرت 85% من قيمتها السوقية ووصلت قيمتها لـ 6.5 مليار دولار بس!

أول آبل ما أعلنت عن الخدمة الجديدة سهم الشركة نزل 85% في وقتها، والحقيقة ان مش كلارنا بس اللي حصلها كدة، ده كمان المنافسين كلهم وعلى رأسهم منافس كلارنا المباشر شركة Affirm اللي سهمها نزل بقيمة 78% بعد الإعلان مباشرة.

بس اللي حصل بعد كدة حاجة عظيمة..

خدمة آبل الجديدة Buy Now Pay Later، هي خدمة تقسيط آبل هتخترق بيها السوق، وطبعاً لما آبل تقرر تدخل السوق بحاجة هتستحوذ على الكم الأكبر من الحصص السوقية، سواء من المستخدمين العاديين او من التجار اللي هيفضلوا التعامل مع آبل.

اللي حصل ان الرئيس التنفيذي لشركة كلارنا سيباستيان سيمياتكوفسكي "سويدي الجنسبة"، قدر بعدها بشهر واحد يحصل على تمويل جديد بقيمة 800 مليون دولار!

بعد اعلان آبل عن الخدمة الجديدة وسقوط اسهم الشركة مطلعش يهاجم آبل ولا يشتم فيها، بالعكس طلع وقال ان اللي آبل بتعمله ده حاجة عظيمة وسوق الـ BNPL زي مابيسموه "اللي هو سوق الـ Buy Now Pay Later" في حاجة شديدة جداً لشركة بحجم آبل انها تخترقه وتشتغل فيه!

قال ان العالم حالياً في حالة ركود اقتصادي كبير وآبل كان لازم تفكر بالشكل ده علشان تضمن استمرارية أرباحها، وبدخول آبل لسوق الـ BNPL هتخلي السوق يتضاعف أكتر وأكتر لأن برغم كل الأرقام اللي حققناها احنا كلنا على بعضنا مش مغطيين 10% من السوق.

بمعنى أشمل ان آبل هتخلي التورتة تكبر، وناس أكتر هتبتدي تاكل منها، آبل اه هتاخد النصيب الأكبر بس احنا كمان نصيبنا هيكبر.

وقال طبعاً انه زعلان جداً بسبب الخسارة الكبيرة اللي حصلت في قيمة الشركة وان ده أجبره يسرح عدد كبير من الموظفين، لكن المؤشرات كلها إيجابية والشركة في حالة مستقرة.

التصريحات دي بينت أد ايه انه راجل اداري موزون جداً وقدر ياخد بعدها تمويل ضخم جداً بقيمة 800 مليون دولار، وأسهم الشركة بدأت في الارتفاع مرة تانية.

  كلارنا ليس لديها سهم مقيد علشان يطلع و ينزل، هذه شركة مغلقة، قيمتها هبطت في جولة زيادة رأس مال، private round of funding و هذا لاسباب ليس لها علاقة بدخول Apple مجال ال BNPL

#كرياتوفا

تابع أيضًا:

عندما تريد ان تبتكر ولكن بدون تخطيط جيد شركة Pay By Touch
تعرف على قصة شركة "Pay By Touch" التي حاولت الابتكار في مجال الدفع الإلكتروني، ولكن غياب التخطيط الجيد أدى إلى فشلها الكبير.

ازاي تحول حاجه ممله جدا لحاجه مثيره للإهتمام؟ NCIX tech tips
اكتشف كيف تمكنت قناة "NCIX Tech Tips" من تحويل مواضيع مملة إلى محتوى مثير للاهتمام وجذب جمهور كبير.

Laundroid الجهاز الخارق الذي قضي علي نفسه بالتكلفة
تعرف على جهاز "Laundroid" الذي كان يُفترض أن يحدث ثورة في مجال غسيل الملابس، ولكنه فشل بسبب تكاليفه الباهظة.

عندما يكون لديك منتج عظيم ولكن منافسك هو عميلك فهذه نهايتك
تعرف على قصة الشركات التي كان لديها منتج عظيم، ولكن في النهاية كان منافسها هو عميلها، مما أدى إلى نهايتها.

تقرير: الغباء المحكم الذي قضي علي امبراطورية كوداك!
اكتشف كيف دمرت قرارات غير مدروسة إمبراطورية "كوداك" في سوق التصوير الفوتوغرافي وكيف كانت نتائج الغباء المحكم.