عندما يكون لديك منتج عظيم ولكن منافسك هو عميلك فهذه نهايتك

 عندما يكون عميلك المستهدف هو منافسك الأول

ممكن نصنف القصة اللي معانا انهاردة دي انها واحدة من أغرب قصص الفشل على الاطلاق، شركة Revision Optics هي واحدة من شركات التكنولوجيا الطبية في أمريكا، قدرت تخترع قطرة بتعالج بيها مرض طول النظر وأثبتت كفائتها وتم اعتمادها من الـ FDA "لجنة الغذاء والدواء" والشركة أخدت تمويل أكتر من 170 مليون دولار لتطوير وإنتاج القطرة الجديدة تمهيداً لتنزيلها في السوق.

لحد هنا الكلام عظيم لأننا بنتكلم على منتج واعد جداً هيغير حياة الناس للأحسن، لكن اللي حصل بعد كدة كان شيء غير أخلاقي تماماً من العملاء المستهدفين..

القطرة الثورية التي فشلت: قصة Revision Optics

للوهلة الأولى ممكن تقول ان العملاء المستهدفين للقطرة دي هما المرضى أصحاب مرض طول النظر، لكن للأسف مش هما دول العملاء المستهدفين في المقام الأول.

العميل المستهدف الأول للقطرة دي كان طبيب العيون، لأن القطرة دي مينفعش يتم صرفها للمريض الا عن طريق وصفة طبية من الدكتور، مش زي الفيتامينات وأدوية الانفلونزا وباسط العضلات والكلام ده.

Revision Optics: فشل غير متوقع بسبب العملاء المستهدفين

أطباء العيون رفضوا القطرة دي رفض تام، لأن المرض ده ليه طريقة علاج تانية عن طريق الجراحة، والجراحة دي كانت مربحة جداً للأطباء والمستشفيات ووجود قطرة زي دي كفيلة انها تقضي تماماً على أرباحهم اللي بتيجي من وراء الجراحة.

أطباء العيون والمستشفيات طبعاً مقالوش انهم رفضوها للسبب ده علناً، لكن حجتهم كانت ان الجرعة اللي هيحتاجها المريض من القطرة دي علشان يتعافى بتستمر لشهور على حسب الحالة، لكن الجراحة بتخلص في أقل من نص ساعة والمريض مش حابب ينتظر كل الوقت ده علشان يتعافى.

في حين ان الجراحة كانت مضاعفاتها كتير جداً زي الرؤية الضبابية وحساسية العين، ونسبة كبيرة جداً من المرضى بيعانوا من المضاعفات بعد الجراحة، لكن القطرة هتكون بدون مضاعفات تقريباً.

الشركة فضلت تعافر في السوق شوية لحد المستثمرين مابدأوا ييأسوا من اللي بيحصل وسحبوا استثماراتهم واحد ورا التاني. 

الرئيس التنفيذي للشركة "جون كيلكوين" طلع في بيان أثناء إعلانه عن وقف النشاط وقال انه السبب الرئيسي لقتل منتج زي ده هو أطباء العيون لأنهم موافقوش يستبدلوا الجراحة بالقطرة اللي هتكون آمنة أكتر وأقل تكلفة بكتير من الجراحة.

#كرياتوفا 

تابع أيضًا:

عندما تريد ان تبتكر ولكن بدون تخطيط جيد شركة Pay By Touch
تعرف على قصة شركة "Pay By Touch" التي حاولت الابتكار في مجال الدفع الإلكتروني، ولكن غياب التخطيط الجيد أدى إلى فشلها الكبير.

ازاي تحول حاجه ممله جدا لحاجه مثيره للإهتمام؟ NCIX tech tips
اكتشف كيف تمكنت قناة "NCIX Tech Tips" من تحويل مواضيع مملة إلى محتوى مثير للاهتمام وجذب جمهور كبير.

Laundroid الجهاز الخارق الذي قضي علي نفسه بالتكلفة
تعرف على جهاز "Laundroid" الذي كان يُفترض أن يحدث ثورة في مجال غسيل الملابس، ولكنه فشل بسبب تكاليفه الباهظة.

شركة Klarna وخسارتها امام شركة ابل الامريكية بالسوق
اكتشف كيف خسرت شركة "Klarna" أمام شركة "Apple" في سوق المدفوعات الإلكترونية، وكيف أثر هذا في مستقبل الشركة.

تقرير: الغباء المحكم الذي قضي علي امبراطورية كوداك!
اكتشف كيف دمرت قرارات غير مدروسة إمبراطورية "كوداك" في سوق التصوير الفوتوغرافي وكيف كانت نتائج الغباء المحكم.