ازاي نعلي الـCTR وازاي برده نوصل للـFeatured Snippet (المعروفة بنتيجة 0)
المقال ده هيبقا Advanced شوية للناس اللي متخصصة SEO وماسكين مواقع وطالعين فعلا في الصفحات الاولى هنتكلم عن ازاي نعلي الـCTR وازاي برده نوصل للـFeatured Snippet (المعروفة بنتيجة 0).
.webp "ازاي نعلي الـCTR وازاي برده نوصل للـFeatured Snippet (المعروفة بنتيجة 0)")
خليني الاولى اقولكم ان اكيد كنت مستهدف كلمات مفتاحية عليها بحث عالي وبتطلع بالموقع في الصفحة الاولى وفي الاخر بيكون عندك عدد مرات ظهور كبير والنقرات اللي بتيجي على الموقع بتاعك بتبقا قليلة جدا وطبعا ده بيبقا له اسباب كتير ومن اهم اسبابها نتائج الـfeatured snippet وده اللي هنتكلم عنها النهارده
طيب دلوقتي انا طلعت بالنتيجة بتاعت موقعي في الصفحة الاولى وجينا نشوف الناس اللي ظاهرة في الصفحة الاولى لقينا في منافس ظاهر بالشكل اللي في الصورة رقم واحد ده واحنا ظاهرين مثلا في النتيجة رقم 1 اللي تحتها عالطول وعايزين نكون احنا النتيجة 0
اول حاجه بنبص عليها اننا بنشوف اللي في النتيجة 0 طالع بإيه يعني مثلا هل الفقرة اللي جوجل اختارها وحطها فيها الكلمة المفتاحية ولا لا بشكل مباشر
طيب هل نوعها فقرة عادية ولا قائمة ولا صور ولا فيديو طيب طريقة صياغة الكلام اللي مكتوب عاملة ازاي ؟ هل واخد فقرة من وسط المقال ولا واخد المقدمة او واخد فقرة تحت عنوان فرعي
لما نجاوب على الاسئلة اللي فوق دي هنعرف احنا بالظبط هنتجه لانهي نوع من التعديل على المحتوى اللي عندنا واذا كنا هنضيف محتوى في الصفحة جديد او هنعدل على اللي موجود
بعد كده بنبحث ونشوف ترتيبنا في النتيجة الـfeatured snippet يعني هل لو عدلنا وظبطنا كل حاجه زي ماجوجل عايز هنطلع ولا لا، ودي احنا بنعرفها من خلال اننا بنبحث بالكلمة المفتاحية ونضيف بعدها علامة الـ - وبعدها الدومين اللي طالع وهنا احنا بنقول لجوجل اظهرلي النتائج اللي في الكلمة المفتاحية دي بس تجاهل الموقع ده ومتظهرهوش قدامي وده زي ماهو موجود في الصورة رقم 2
اهو مفيش اي نتيجة طلعت مكان الموقع اللي كان طالع وده معناه ان جوجل مش شايف ان فيه محتوى مناسب في الصفحة او اي موقع تاني منفذ الشروط اللي تخليه يطلع ـfeatured snippet وده هنا شئ كويس جدا لان مفيش اي منافس ليك على النتيجة دي الا اللي كان طالع في البداية
بعد كده بنروح لمرحلة التعديل ودي بتكون بناءا على الاجابات بتاعت الاسئلة اللي سئلناها في اول البوست، بعد كده بنبدأ مرحلة التعديل ونبعت التعليمات للكوبي رايتر اللي عندنا ونقوله بالظبط اللي احنا محتاجينه وياسلام بقا لو نديله امثلة من المنافسين وتخليه يحاول يطلع احسن منها كجودة محتوى وطريقة سرد للكلام
في الخطوة الاخيرة بعد التعديل بناخد رابط الصفحة اللي عدلنا عليها ونروح على Google Search Console ونعمل Reindex علشان جوجل يشوف التعديل اللي عملناه في اسرع وقت
دي خطوة من خطوات ازاي نعلي الـCTR بتاع الموقع بتاعنا، لو مهتم بالنوع ده من البوستات ياريت تعرفني في كومنت ولو فيه اي استفسار اكتبه في كومنت ولو عندك اي معلومة اخرى عن الموضوع ياريت تشاركنا بيها
بالتوفيق ليكم
مقالات قد تهمك:
