يعد موقع وتطبيق انستقرام احد اهم مواقع التواصل الاجتماعي التي تعتمد علي مشاركة الصور والفديوهات بين المشاهير والمعجبين وبين المستخدمين ومتابعيهم، ولكن للأسف تعتمد انستغرام في عملية ظهور المنشورات من الصور والفديوهات علي منطق مختلف في اظهار الصور الفاضحة والغير محتشمة بشكل اكبر من غيرها.
تابع: 7 أفكار لقصصك القادمة على انستقرام
Instagram والصور الجريئة العارية عليه
لكل البنات اللي بتستخدم انستجرام، أكيد فكرتي قبل كده ليه صورة بتجيب Reach عالي في موقع Instagram وصورة تانيه لأ، إيه هيا المعايير اللي على أساسها ده بيحصل؟ تحبي تعرفي إيه الجديد؟ خوارزمية جديدة هدفها بس وشغلها منصب على فكرة إنها تزود ريتش ووصول الصور العريانة عن غيرها، بمعنى لو واحدة نشرت صورتين، واحده فيهم بملابس عارية وواحدة تانيه محتشمة، الدراسة بتقول إن الخوارزمية دي هتخلي عدد وصول الصورة العريانة أكتر من عدد وصول الصورة المحتشمة، يعني يعتبر الخوارزمية ماشيه بمبدأ:
"اتعري أكتر هتوصل لأكبر عدد ممكن"
قد يعجبك: طريقة تفعيل وكيفية اجراء مكالمات الفيديو على انستقرام
الدراسة دي عملتها منظمة "ألغوريزم ووتش" واللي بتأكد إن صورة امرأة بالملابس الداخلية أو لباس البحر تظهر بنسبة 60% أكتر من صورها بكامل ملابسها، والنسبة دي تبلغ 30% بالنسبة للرجال، والباحثين في الدراسة دي حللو أكتر من 1737 بوست على انستجرام لأكتر من 37 حساب وأكدوا إن الخوارزمية دي قايمة على فكرة "مستوى التعري" !
طبعا أنا بتناول الموضوع من ناحية تقنية - ماليش علاقة - نوعا ما بالجانب الأخلاقي أو إن التعري ده حاجه حلوة ولا وحشه، لكن بحاول أنبهك إن انستجرام بيحاول بقدر الإمكان إنه يجيب رجلك ناحية - عدم الاحتشام - مش هقول التعري، فانتي خلي بالك إن الفكرة مش إعجاب الناس بصورتك ولا إنك واو ولكن ده لإن الخوارزمية شغاله على كده مش أكتر.
بواسطة: Mohamed Kamal
