منذ انشاء العملات الرقمية المشفرة والاعتماد عليها بشكل كبير في المعاملات المالية بين المستخدمين بغض النظر عن مشروعية هذه المعاملات المالية والتي في الغالب تأتي بشكل صفقات مشبوها ولكن انتشر مؤخرآ ما يعرف برموز غير قابلة للإستبدال - NFT، وهذه الرموز اثارت ضجة كبيرة جدآ بسبب بيعها بمبالغ تتخطي الملايين من الدولارات ولكن ما حقيقة اعمل ملايين من ال NFT.
ازاي اكسب ملايين من رموز غير قابلة للإستبدال - NFT؟
مفيش حد هيعمل NFT و هيبيعها بملايين الدولارات، الموضوع ليه ابعاد كتير وللأسف فيديوهات علي التيكتوك و رييلز علي اليوتيوب بعناوين "اعمل ملايين من ال NFT" ده كلها فيديوهات clickbait.
بوستات منتشرة و كومنتات "حول حياتك بال NFT و خليك مليونير"، خلاف الكومنتات اللي نبدأ ازاي عايزين نبقي مليونيرات، ازاي نرسم صورة و نبيعها بملايين ...الخ "احلام اليقظة".
اومال الناس اللي بتبيع صور بملايين ده ايه ياعم؟
دول ناس مصممين عالميين، او شركات تصميم عالمية هي اللي بتقدم المحتوي ده.
فاكر لوجو شاومي اللي مجرد الحواف بتاعته بقيت واخدة شكل دائري المصمم بتاعها Kenya Hara خد وقتها ٣٠٠ الف دولار، هل تدوير الحواف يستاهل المبلغ ده؟؟؟ لا طبعا ميستهلش ١٠ دولار حتي ولكن مين اللي عاملها ؟؟ مصمم ياباني عالمي Kenya Hara هو اللي عملها.
نفس المبدأ، الفكرة مش فكرة قرد ولا صورة قطة، يعني لو قولتلك انا هبيع شعرة من شعري انت مش هتدفع فيها قرش واحد، لكن لو قولتلك هنبيع في مزاد شعرة من شعر الرسول صلى الله عليه وسلم، اكيد طبعا فلوس الدنيا كلها مش هتكفي حاجة عظيمة زي ده، نفس المبدأ.
يعني احنا لو عملنا NFT مش هنعرف نكسب؟
لا هتكسب في ٣ حالات:
- لو انت مصمم مشهور فمبارك عليك
- لو عملت تسويق محترم "مش اعلان ممول ب ٥٠ دولار" تسويق محترم لل collection اللي هو تدفعلك سكة ١٠٠ الف دولار ااقل واجب
- القدر كأنك بتشتري يناصيب و مستني القدر يبتسملك.
اهو ممكن حاجتي تتباع اومال في ايه بقي؟!
ممكن تتباع بس متعتمدش علي ضربة الحظ ده و تبني كل امالك و احلامك عليها انك هتحط النهاردة صورة المج المكسور بتاعك بكرة هيتهافت عليها الناس، الموضوع مش بالسذاجة ده.
خلاف كدة في صور انت بتشوفها هبلة لكن قيمتها بتيجي من حاجتين، يا اما حد مشهور اشتري منها فبقي ليها قيمة او ليها utility يعني احتفاظك بال NFT بيديك امتيازات زي دخولك نادي معين او ليك امتياز لخدمة معينة او ال NFT نفسها بتتجوز و بينتج عنها nfts تانية، ايه ده nft بتتجوز؟!! اه والله ده بيحصل وهو ده ال utility اللي بتحملها ال NFT.
فكك بالله عليك من الفيديوهات التعبانة المنتشرة ده و متخليش حد يضحك عليك، اللي كاتبلك عنوان اصنع ملايين من ال NFT لو كان هو صنعهم مش هيبقي فاضي ينزل لحضرتك فيديو و هيكون بيصرف الملايين في جزر الكناري، الموقف ده بيفكرني بواحد كان عامل فيديو عنوانه بعد الترجمة " ازاي تجيب مشاهدات لفيديوهاتك" و هو الفيديو بتاعه متعداش كان ال ٢٠ مشاهدة.
متخليش حد يضحك عليك يا صديقي، اتفرج ع المحتوي ولكن من باب الاستفادة لو بيتقدم فيه معلومة جديدة غير كدة الله يباركلك اسعي و اشتغل و اكسب براحتك، متفتحش برنامج الرسام و تشخبط و تقول اكيد هتتباع بملايين.
الكنز الحقيقي انك بتلاقي ناس تعرفك و تشرحلك التطور ده علشان تبقي مواكب للتقدم و فاهم اللي بيدور حوليك، اسعي و اجتهد و ساعتها ربنا هيكرمك.
بواسطة: Mohammed Darwish
