اي المسار الصحيح اللي امشي فيه عشان أقدر أوصل، المقال ممكن يكون طويل شويه فاعذروني 🙏🏻 اللي هتقرأه في البوست مش معناه ان اللي هيعمل غيره مش هيوصل، لكن ده المسار الصحيح اللي لو مشيت عليه بالترتيب هتوصل أسرع و بمعرفة أحسن، يعني ممكن تعكس ترتيبه بس برضه في النهايه مش هتوصل إلا لما تكون عارف كل نقاط المسار مهما كان ترتيبها بالنسبالك، بس هتأثر عليك في وقت و مجهود و معرفة 👌🏻
هنتكلم بوجه عام عن software engineer و بوجه خاص عن mobile development career بما ان ده تخصصي..
١. انت لسه داخل المجال سواء كنت فيه بتدرسه جامعه مثلا أو غيرها، أو حتي لو من خارج المجال خالص، هتبدأ تدرس يعني اي computer science أصلا و يعني اي برمجة و يعني اي ان ال machine تفهمني و هكذا و يفضل يكون كورس CS كامل عشان من خلاله هتقدر تحدد بعدها انت حابب تتخصص في اي.
٢. خلصت و قرأت في كل مجال و انت فاهم انت بتقرأ اي عشان انت درست CS خلاص و الدنيا فتحت قدامك، هتحدد مجالك، و حددت بالفعل انك تتخصص في مجال mobile development، لحد هنا حلو جدا انت كده عديت مسافه كبير بتحديد هدفك اللي عاوز توصله 😍😎.
٣. تبدأ تشوف اي فروع المجال اللي اخترته، مجال الموبايل مثلا:
- * native android
- * native ios
- * Cross platform
و ليكن مثلا أنا هختار Cross platform، هلاقي فيه frameworks كتيره بتعمل الكلام ده، و بالمناسبة ال framework هي عبارة عن بيئة عمل بتساعدك علي تنفيذ و إنجاز عمل معين، هتختار flutter framework لانه أحسنهم و أقواهم.
٤. ال framework اللي اخترته قائم علي لغة برمجة اي، لازم اعرف أصله اي، لقيت ان أصله لغة Dart، 😍 كده التحديد اكتمل، نبدأ في المذاكره للمجال بقي و نقول بسم الله 🙂😂.
٥. تبدأ تذاكر أساسيات لغة Dart، من البداية خالص و تكتب كود فيها كتير يعني مثلا يوميا ساعتين علي الأقل.
٦. تذاكر مفاهيم ال OOP في لغة Dart و تتمرن عليهم بإيدك كتير، يعني تكتب أمثلة كتير.
٧. الجزء المهم جدا 😎، programming principles، لازن نتعلم يعني اي مبادئ البرمجة و أمشي فيها إزاي عشان أقدر أوصل قدام لل clean code الصحيح، معاهم مفاهيم data structure و algorithms بقي تبقي برنس 😂.
٨. تبدأ تتعلم بقي Flutter framework نفسه اللي هو أصلا قائم علي لغة Dart يعني أكنك بتوظف اللي اتعملته في Dart جوا Flutter بقي 😎❤.
٩. بفكرك ان الكلام ده ينطبق علي اي مجال مش ال mobile development بس.
١٠. هتبدأ مذاكرة الديزاين، يعني UI، و تتمرن عليه كويس أوي، معانا في flutter يعني widgets.
١١. تبدأ توظف اللي اتعملته في UI، بداتا ديمو كده اكتبها انت.
١٢. تبدأ تعلي شويه، هتوظف الديزاين مع local database.
١٣. نعلي أكتر، يبقي remote database، يعني هتستخدم APIs أو cloud database زي firebase مثلا من جوجل و هكذا.
١٤. اعمل ابلكيشن بيجمع الحاجات دي كلها مع بعض.
١٥. اتعلم إزاي تهندل states بحاجه زي مثلا BLoC، أقواهم حاليا.
١٦. التقيل بقي جي، اتعلم clean architecture pattern و أبدأ وظف معاه كل حاجه فاتت في حياتك و أبدأ في عمل application كامل يشمل كل ما سبق من معلومات 😍🤗.
الأحسن يكون E-commerce application 😎👍🏻
١٧. قربنا 👀، كده ناقصلك ال distribution بقي و دي موجوده في أي مجال و عندنا تتمثل في upload app to store، لازم تتعلم دي نقطه مهمه جدا و مينفعش تشتغل من غيرها.
١٨. طب نذاكر حته بقي CD و CI 😎👍🏻.
١٩. دخلنا في advanced topics بقي، نبدأ في testing.
٢٠. اتعلم إزاي تتعامل مع التخصصات التانيه اللي لازم تكون معاك في نفس المشروع، اتعلم إزاي تسلمهم شغل منك و تستلم منهم و تراجع و تعمل تيست علي شغلك و شغلهم لما تستلمه و هكذا، ضروري جدا عشان تعلي في شغلك.
٢١. استمر في متابعة الجديد أول بأول 😍😎.
نصائح بسيطه:
* تحديد هدفك صح نص الطريق تقريبا.
* ركز في اختيارك و اتأكد ان اللي بتذاكره في الأول خالص هيفيدك في مجالك يعني لو موبايل متروح تذاكر php في الأولا خالص أو python و تقول أنا كده جامد جدا.
* لما تعلي شويه بشويه عادي انك تذاكر حاجه مش كامل تخصصها معاك.
* خليك مميز دايما في مجالك.
* اهتم بجودة المنتج النهائي بتاعك سواء ابلكيشن أو غيره.
* مهما عليت ادي تخصصك 60% من وقتك و معرفتك الجديده.
* استعن بالله و خلي جواك يقين بالوصول ❤😎
آسف لو طولت شويه بس دي خلاصة أهم حاجه في حياتي 😍
البشمهندس/ عبد الله منصور
اهم العناوين حول هذا الموضوع:
كيف تتميز كمهندس برمجيات مبدع في تخصصك
السر وراء النجاح في عالم هندسة البرمجيات
كيف تعزز مهاراتك كمهندس برمجيات لتصبح مبدعاً في مجالك
كيفية تحسين مهاراتك كمهندس برمجيات وتطوير خبراتك في مجالك
نصائح واستراتيجيات لتطوير مهاراتك كمهندس برمجيات والتميز في مجالك
كيف تصبح مهندس برمجيات ناجحاً في عالم التقنية
الأساليب والتقنيات الحديثة لتحسين مهاراتك كمهندس برمجيات
الخطوات الأساسية لتطوير مهاراتك والنجاح في مجال هندسة البرمجيات
نصائح لتحسين الإنتاجية وتحقيق الإنجازات كمهندس برمجيات
الأساليب الفعالة لتحسين مهاراتك وتطوير مهنتك كمهندس برمجيات.
