اذا كنت تستخدم الحاسوب فربما سمعت عن بعض المصطلحات والكلمات المختصرة المتعلقة بمكونات الكمبيوتر والتي قد يتم ذكرها كثيرآ منها متخصصي الحاسوب ومنها GPT - MBR NTFS - FAT32 AHCI - IDE UEFI - BIOS وفي هذا الموضوع يشاركنا المهندس/ شهاب شرح معاني تلك الاسماء واستخدامتها بالحاسوب بشكل مبسط.
قد يفيدك:
- كيف تضمن أنه لن يتم استعادت ملفات حذفت من الكمبيوتر بأي طريقة
- لماذا تم وضع لزري الحرفين F و J بروزًا خفيفًا في الكيبورد
- لما لا يتم إغلاق مواقع قرصنة المحتوي مثل إيجي بيست واكوام وغيرها
- ماهو جهاز AirTags Hermes اللتي اعلنت عنها ابل
- ماهي خصية swap memory في الهواتف وكيف تعمل
- ازاي الكمبيوتر بيشوف الصورة
GPT - MBR NTFS - FAT32 AHCI - IDE UEFI - BIOS حاجات عجيبة جداً بنسمعها
دي بـ إختصار ، أنظمة قراية الهاردات ، و سيستم البوردة هشرحهم بـ بساطة كالعادة ، عشان فيه لخبطة كتير فيهم و مفيش تفاصيل تقنية معقدة هتتذكر ، هقولك إللي يهمك و بس كل الكلام موجه لمستخدمين الوندوز ركز إنت بس معايا عشان الموضوع كبير هيا بنا نبدأالـ / GPT - MBR
دي نقدر نعتبرها سيستم تقسيم الهارد نفسه كـ بنية داخلية و أساس ، مش كـ بارتيشنات و شكل خارجى بنختارها لما بنقسم الهارد الجديد لأول مرة دا بيبقى النظام الداخلى ليه و نقدر نغير و نحول ما بينها هاردنا المتقسم قبل كدا بدون فورماتأولاً / MBR
إختصار لـ / Master Boot Record دا النظام الأقدم و المنتشر حتى الأن فى الأجهزة أشهر عيوبه إنه مش بيقرى أي هارد أكتر من 2 تيرا و مش بيدعم تقنيات حديثة ، و كله دلوقتى بيغيره لو جهازه إحترافىثانياً / GPT
إختصار ل / GUID Partition Table نظام أحدث و أسرع و بيدعم كل التقنيات الحديثة و بيقرأ أى هارد بـ أي مساحة كبيرة .. هو أفضل إختيار طبعاًالـ / NTFS - FAT32
دي أنظمة تقسيم الهارد نفسه ، كـ بنية خارجية الواجهة إللى بتستخدمهاأولاً / FAT32
إختصار لـ / File Allocation Table 32 دا النظام الأقدم .. تقنياته محدودة ، و مزاياه أقل أشهر عيوبه إنك متقدرش تنقل أى ملف واحد حجمه أكبر من 4 جيجا و دي طبعا مشكلة ، خصوصاً مع كِبر حجم الملفات المستمر و كذلك متقدرش تقسم بارتيشن واحد بـ مساحة أكبر من 2 تيرا دا كان مناسب لـ الأجهزة القديمة و الهاردات الصغيرة لكن دلوقتي خلاص يريح شوية بأهثانياً / NTFS
إختصار لـ / New Technology File System دا الأحدث و الأسرع و بيدعم كل التقنيات الحديثة تقدر تنقل من خلاله أى ملف بـ أى مساحة و تقدر تقسم البارتيشنات بـ أي مساحة عاوزها هو أفضل إختيار طبعاً ، و سواء هاردك كبير أو صغير ، الأفضل تقسم بيهكل الهاردات بأنواعها بـ تدعم التغييرات دى
و مفيش غيرها حالياً كأنظمة تقسيم أصلاً و تقدر تعدلها و تختارها حسب المناسب ليك من أى برنامج تقسيم و أنا بفضل برنامج /Mini Tool Partition Wizard مثلاً و زى ما وضحنا إن أفضل إعدادات هى / بشكل عام NTFS و GPT لو هاردك اكبر من 2 تيرا
الـ / UEFI - BIOS
دا نظام البوردة و الإقلاع بتاعها ، زي سيستم بسيط لكنه على البوردة نفسها و إن كان كله إسمه BIOS فقط و ال UEFI مشتقة منه و تطوير ليه مش أكترأولاً / BIOS
إختصار لـ / Basic input-output Systemأى بوردة بيبقى فيها نظام البيوس بتاعها و دا بيرتب شغلها و بيحميها من العطل و من خلاله بتتحكم فى كل خصائصها و خصائص المكونات إللى عليها و الشائع لإستخدامه هو إنك تظبط البوت تحدد الوقت و التاريخ - تشوف مواصفات الجهاز تعمل باسوورد لـ الجهاز ، تغير أى أوبشن خاص بـ البوردة .. إلــــــــخ و الإسم الشهير بتاعها / الشاشة الزرقاء .. شاشة البيوس .. شاشة السيت أب البيوس منتشر لحد الأن و شغال موقفش و بيبقى بإسم / LEGACY فى بعض الاجهزة و لكن سعة الهاردات كبرت و طلب السرعة بقى أساسى و المستخدمين بقى ليهم متطلبات أكتر احترافية عشان كدا حصل فيه تحديث و بقى عندنا نسخة مطورة ليهثانياً / UEFI
هو نفس نظام الـ بيوس العادى جداً ، و لكنه أسرع و متطور و من أهم مميزاته إنه بيقبل يسطب سيستم و يعمل بوت على هاردات أكبر من 2 تيرا ، و طبعاً دى كانت مشكلة فى الـ بيوس إللى مبيقبلش السيستم على هارد أكبر من 2 تيرا و دا لإن البيوس شغال بنظام MBR ، و دا نظام تقسيم أى هارد 2 تيرا فيما أقل لكن ال UEFI بـيقبل السيستم من بارتيشن بـ نظام GPT و دا نظام تقسيم أى هارد أكبر من 2 تيرا و وضحنا النقط دى فوق فى الفرق بين أنواع أنظمة تقسيم الهاردات فيه بوردات حديثة بـ تدعم ال UEFI و فيه بوردات قديمه بتدعم ال BIOS دى خاصية مش موجودة فى كل الأجهزة و كل شركات الـ بوردات بتنزل كل فترة تحديثات لـ البيوسبتحسنلك شويه إعدادات و بتخلى الأداء أفضل لكن تحديث البيوس حاجة مش مستحبة لو إنت جهازك شغال تمام لإنك لو عملت حاجة غلط أو النور قطع و الجهاز فصل أثناء التحديث البوردة ف الغالب بتفصل خالص و الجهاز مش بيشتغل و لازم توديه التوكيل أو تروح لحد يشحنلك BIOS فـ متعملهاش لو معندكش مشاكل فى جهازك
عن نفسى حتى الأن رغم إن جهازى من أحدث الأجيال و بيدعم ال UEFI ، لكنى شغال ب ال BIOS LEGACY عادى جداً ، و لما جربت أشتغل UEFI ملاحظتش فرق سرعة يُذكر على الإطلاق و كمان لإنى بسطب وندوز على هارد صغير فمش محتاج أى فايدة بيقدمهالى ال UEFI
و نصيحة للكل متنزلش وندوز على أى هارد أكبر من 2 تيرا خالص كمان واجهتنى شوية رخامة ف البوت و جوا الوندوز كمان و عشان كدا رجعت النظام لل BIOS و شغال معايا زى الفل
ملحوظة مهمة /
فى أجهزة كتير هتشتغل عليها الهاردات الأكبر من 2 تيرا حتى لو قديمة جداً و مش UEFI و هتشتغل بمعنى إنها تقرى المساحةمش ينزلها وندوز و تعمل بوت منها و كمان فى أجهزة شغالة بـ الـ BIOS القديم و بتتقسم و تقرى ال GPT عادى لإن الناس بتخلط بين قراية الهارد نفسه و بين نزول وندوز عليه و بيقولوا طالما الجهاز BIOS مش هيقرى هارد أكبر من 2 تيرا و لا هيقرأ نظام ال GPT و دا غلط طبعاً فـ نخلى بالنا من الفرق دا عشان ميحصلش لخبطة
الـ / AHCI - IDE
دى نقدر نعتبرها أنظمة لـ قراية مخارج الـ SATA إللى على البوردة و إستخدام خصائصها و حلقة وصل بين السوكيت و الهاردأولاً / IDE
إختصار لـ / Integrated Drive Electronicsنظام قديم و كان لغاية وندوز إكس بي و بعدها حصل تطوير و إستخدامه قل جداً و يعتبر شبه إنقرض حالياًثانياً / AHCI
إختصار لـ / Advance Host Controller Interface نظام إبتدى من 2008 تقريباً و مع ويندوز 7 و لغاية دلوقتى مستمر هو الأفضل طبعاً ، لإنه بينشطلك كل الخصائص بتاعة الساتا لتوفير أعلى سرعة للجهاز و الإستفادة من كل المميزات لكنه مش بيشتغل لو مسطب وندوز إكس بى ولازم تنزله تعريف معين عشان يدعمه و تقدر تعدله لـ المناسب ليك من إعدادات شاشه البيوس لكن أى وندوز بدايةً من 7 فيما فوق فـ ال AHCI هو أفضل إختيار ليه طبعاًالزتونة
بص يا معلم ، أفضل و أسرع إعدادات تعملها لجهازك هي /
NTFS - GPT - AHCI - UEFI
مع إمكانية إستبدال الـ UEFI بـ الـ BIOS Legacy
و إستبدال الـ GPT بـ الـ MBR لو هاردك صغير
------
NTFS - GPT - AHCI - UEFI
مع إمكانية إستبدال الـ UEFI بـ الـ BIOS Legacy
و إستبدال الـ GPT بـ الـ MBR لو هاردك صغير
------
قد يهمك:
- بصمات الأصابع بالموجات فوق الصوتية: كيف تعمل في الهواتف؟
- كيفية استعادة الرقم السري لبطاقة التموين في حالة الضياع او النسيان في مصر
- مصطلحات اساسيه في البرمجه يجب معرفتها
- اشهر رموز الخطأ اللتي تظهر لك عند تصفح المواقع تعرف عليها
- استخدامات قد لا تعرفها عن أزرار F أو Function keys في لوحة المفاتيح
- كيفية معرفة أكبر حجم رام تستطيع تركيبه على جهاز الكمبيوتر بدون برامج
- طريقة سحرية في الويندوز لأغلاق حاسوبك عن طريق سحب الشاشة بالماوس
- ماهي سرعة الانترنت المطلوبة لمشاهد البث المباشر
- اسرع متصفحات الانترنت قد لا تعرفها
- ازاي تقدر تستفيد من خرائط جوجل في ركن عربيتك
- المالوير Malware عدة انواع تعرف عليها
