في هذا المقال يشاركنا / مصطفي المصري خبير السيو ومدونات بلوجر وادسنس احدث طرق النصب اللتي يتعرض لها اصحاب المواقع والمدونات خاصة المبتدئين في هذا المجال وذلك عبر ما يسمي " نظام مشاركة الارباح".
فى طريقه جديده للنصب ظهرت مؤخرا تحت شعار مشاركة الارباح تارة او جلب ترافيك لموقعك تارة اخرى وبيطلب منك انك تحط شفرة اعلان ادسنس الخاص بهم داخل موقعك
هذه الحيلة مكشوفة من الوهله الاولى ولكنها للاسف قد تنطلى على كثير من المبتدائين لان اغراء الحديث وبراءة الاقناع عالى اوى
تحذير لأصحاب المواقع: احذر النصب عبر خدعة مشاركة الأرباح
اول شىء نظام مشاركة الارباح المعروف هو شفرة اعلان حضرتك هى اللى تكون موجود داخل موقع مشاركة الارباح وليس على موقعك انت لان موقعك زى مثلا لو حابب تشتغل بنظام مشاركة الارباح على موقع نجوم مصرية وهو موقع معتمد بنسبه 80 الى 20
هتقدم الموقع فى حسابك للمراجعه وبعد الموافقه تتصل بصاحب الموقع هو الاخر لاكمال الاجراءات واخذ موافقه منه هو الاخر وبعدها تعطية ملف الادز تكست لاضافته عندة
لما تبدء تنشر مقالات على موقع نجوم مصرية تضيف شفرة اعلان خاصة بحسابك انت عندة
انما النصاب الجديد بيقولك خد منى شفرة اعلان وحطها عندك انت بعد ما يكون هو قدم موقعك فى حسابه وعاوز يكمل المراجعه لتتم الموافقه فلو انت حطيت شفرة اعلانه يبقى هو هيكسب من وراك كل الارباح وانت مسكين لا تدرى شيئا وبدل ما يتعب نفسه فى انشاء موقع وتقديمة للقبول لاء ياخد موقعك الجاهز ويستقبل عليه ارباح ع الجاهز المفترى
الحاله الاخرى للنصب هو اقناعك انه يقدر يجبلك ترافيك جامد من جوجل عن طريق الرمز المشفر للمسح الضوئى QR لرابط موقعك بحيث ان اى حد يعمل مسح ضوئى يفتح معاه رابط موقعك مباشرة للذهاب اليه ويطلب منك وضع شفرة فى موقعك وهذه الشفره هى اصلا اعلان ادسنس بتاعه ايضا بعد ما قدمه للمراجعه وسيتم قبولة وطبعا الارباح ستذهب اليه
بعد كده يجبلك ترافيك بطرق احتيالية من تليجرام او واتساب او فيسبوك يقول للزوار افتح الرابط وهتكسب 1 بتكوين او 2 بتكوين وطبعا سهل يفتح عن طريق رمز ال QR
اى حد يطلب منك حاجة زى كده هو نصاب بلا تردد فخلى بالك كويس اوى على مجهودك
طبعا دى الطريقتين اللى انا اكتشفتهم من خلال اسئلة الاصدقاء عندى لكى يتاكدو من الموضوع ولسه فى طرق كتيرة للنصب لن تنتهى المهم كله يخلى باله
