عايز واتساب يبقي Pink؟, عايزة الواتساب يبقي لون ضوافرك, دوسوا علي اللينك ده وحملوا التطبيق الجديد ومش بس كده ده فيه features كتير، انتشرت هذه الرسائل مؤخرآ بين مستخدمي الانترنت خاصة مستخدمي تطبيق الدردشة والتواصل whatsapp, خاصة مستخدمي هواتف نظام الاندرويد ولكن في الحقيقة ده فيروس خير جدآ اوعي تثبته علي جهازك.
تحميل تطبيق WhatsApp Pink خطر كبير
ده فيروس جميل كده اول متحمل التطبيق هيستحوذ علي جهازك، باحث هندي اكتشف رسالة بتتبعت للناس علي جروبات واتساب الرسالة دي متنكرة في شكل تحديث جديد للواتساب هيحول العلامة بتاعت واتساب من خضرا لبينك!.
وكمان بيوعد بخصائص جديدة مش موجودة في القديم ،لو دوست علي اللينك هيطلب منك تحميل APK وده بالمختصر الصيغة او الامتداد اللي بتمكنك من تثبيت اي برنامج علي اندرويد.
تهت؟
ده ياسيدي البرنامج اللي هتنزله عندك علي التليفون.
الطبيعي ان اي برنامج او تطبيق عايز تنزله عندك علي التليفون, تنزله من المتجر الرسمي لأن البرامج اللي عليه بتخضع لرقابة وفحص كل شوية.
احب انوه ان حتي المتاجر الرسمية بيبقي فيها برمجيات خبيثة بس ده مش موضوعنا.
انت هنا بتنزل بقي برنامج مبعوتلك من مكان مجهول ومتعرفش فيه ايه.
وغالبا هيطلع برمجيات خبيثة او malware زي الواتساب البينك.
الخلاصة:
- - متضطغتش علي اي لينك مجهول المصدر او حتي جي من حد تعرفة.
- - نزل التطبيقات الموجودة علي المتاجر الرسمية بس.
- - حاول يبقي عندك برنامج حماية زي AntiVirus.
بقلم : Mohamed Nabil
