في هذه التدوينة يقدم لنا المهندس / مصطفي المصري خبير سيو المواقع والمدونات خمسة تعليمات سيو للتصدر في كلمات البحث المفتاحية 2021 والحصول علي زيارات ونقرات عالية علي الاعلانات من محركات البحث وجوجل أدسنس.
1- إزاى تخلى الزائر يضغط على الرابط بتاعك انت بالخصوص وليس رابط المنافس فى نتائج البحث؟
- عنوان جذاب ومقنع يخليه يحس انك عملت المقاله دى مخصوص علشان خاطر عيونه هو
2- طب بعد ما يدخل ازاى تخليه يقتنع اكتر ويكمل معاك ؟
- كتابه مقدمه هرميه تعكس فى اول 3 جمل او سطور ما تنوى شرحه مع الوعد بحل مشكلته بالمختصر المفيد - بالدخول فى صلب الموضوع مباشره كنبذه سريعه عن ما هو قادم
وابسط مثال عن مقدمه ممتازه وطريقه السرد الفعال هى حلقه الهرم المعجزه لمصطفى محمود
3- طب نترجم هذه المقدمه بالانجذاب البصرى ازاى لكى تحصل على استمرار الشغف
- اضافه صوره معبره عن الموضوع باستخدام موقع Canva لان الصوره بألف كلمه
وايضا تضمين فيديو من اليوتيوب يساعد الزائر على فهم اكثر عن الموضوع
4- طب ازاى تكسر الملل وتخلى الزائر يكمل بدون زهق من البدايه الى النهايه ؟
- التنسيق التسلسلى للاحداث سواء بترتيب النصوص او ترتيب الصور بيحقق نتائج ممتازه
فقرات قصيره ومتباعده فى حدود 100 كلمه لكل فقره وترك مساحه فارغه بيضاء بين الفقرات يحفز على اراحه العين والاستمرار فى التنقل لاسفل
عناوين فرعيه بارزه وبخط كبير وواضح بترتيب الاكبر فالاصغر يلفت انتباه الزائر سريعه للوصول لمبتغاه من النظره الاولى وهى دى اكبر فوائد الخطوط البارزه فى اماكن مهمه
جوجل لم يخترع تنسيقات الخطوط العريضه h1 - h2 - h3 - h4 -h5 - h6
لكنه وجد انها تساعد الزائر فى العثور السريع على الاجزاء الهامه على الصفحه ومن هنا فهو يحترمها ويقدرها جدا واصبح يعطيها اهميه وقوه فى فهم مجمل المحتوى او اجزاء منه
5- الزائر الجديد زى الطفل الجديد محتاج توجيه ورعايه - الطفل يلهو باللعبه والزائر يلهو بالازرار - فوجود ازرار ملونه تجعله يضغط عليها بشكل لا ارادى وكأنها مغاره على بابا 😊
فحاول دائما فى كل مقاله تضيف زر او اتنين فى كذا مكان يضم عباره اكشن صريحه وجذابه
الاهتمام بالعنوان والوصف + البحث الدقيق عن الكلمات المهمه لكل موضوع هو كل شىء
الخلاصه: حاول دائما انك تبدع فى خدمه جمهورك وتقديم افضل ما لديك لان جمهورك هو سندك الحقيقى - سواء كنت مبتدى او خبير او مشهور فلا يجب ان تقصر ابدا فى حق جمهورك وزوارك وعملائك لانهم هم اصل كل نجاحك
