السؤال ده مهم وفعلاً الإجابة عليه ضرورية بشكل كبير على الأقل عشان أقدر أعرف أحميه بعد كده من الاختراق، وعشان الإجابة على السؤال المهم ده قدر الخبير الأمني تروي هانت Troy Hunt إنه يبتكر Tool أو ويب سايت اسمه HAVE I BEEN PWNED وده بيعرف المستخدمين إذا كانت بياناتهم الشخصية تعرضت للاختراق من خلال حوادث خروقات البيانات Data Breaches ولا إيه النظام.
الخدمة دي بقى اللي بيقدمها الموقع بتعمل إيه؟ بتجمع وتحلل المئات من قواعد البيانات والمعلومات لمليارات الحسابات اللي بيتم تسريبها من خلال عمليات الاختراق، وبتسمح للمستخدمين إنهم يبحثوا عن معلوماتهم اشخصية عن طريق إنهم يكتبوا اسم المستخدم أو الإيميل بتاعهم، وبكده هتقدر تشوف إذا كان تم اختراقك قبل كده أو بياناتك اتسربت ولا لأ.
هتلاقي كمان خاصية “Notify Me ” واللي من خلالها تقدر تشترك في إن لما تحصل أي عملية إختراق pwnage في المستقبل وتسريب لمعلوماتك هيتم تبليغك بـ ده على الإيميل اللي هتسجل بيه، لكن السؤال المهم: هوا إزاي أختار باسورد كويس يصعب عملية الاختراق دي سواء للإيميل بتاعي أو لأكونتات السوشيال ميديا؟
نصايح لاختيار الباسورد:
- - فعل خاصية التحقق بخطوتين two step verification
- - يكون فيه حروف كابتل وحروف سمول
- - يكون فيه رموز زي @ أو # الخ
- - يكون فيه أرقام
- - ميقلش عن 6 أرقام وحروف ورمرز
- - ابعد عن تاريخ ميلادك ورقم تليفونك
- - ابعد عن اسمك أو اسم حد قريب منك الخ
- - متخليش كل الأكونتات بتاعتك بنفس الباسورد
- غير الباسورد من وقت للتاني
- وأخيرًا متقولش الباسورد بتاعك لأي حد
الموضوع من طرف المهندس/Mohamed Kamal
مقالات أخرى قد تفيدك:
