هل بسبب اختيار المجال مع ان كل المجالات فيها مكسب وفرص التصدر متساوية والسوق مفتوح للكل
الحقيقة ان معظم المواقع بتفشل لانه اشتغل فى مجال مش بتاعه يعنى زى الموظف اللى اتعين فى مكان مش بتاعه ومش حابب يكمل فيه لكن بيكمل وخلاص اهو احسن من مفيش وبيقضى وقت ويحس انه هم على قلبه
يكسل - يتحجج - يماطل - يتهرب - يعمل نفسه بيقرا جريده او بيلعب فى الفون المهم الوقت يمر علشان يخلص شغله وياخد الحريه ويروح
المقصود بكلمه مجال مش بتاعه انه مقدرش يتعلم ازاى يشغله صح
ده كان بيفتح اليوتيوب علشان يشوف فيديوهات من قبيل - كيف تكسب من النت بدون مجهود - كيفيه ربح الف دولار فى شهر - شاهد كيف ربحت 500 دولار فى شهر واحد
فتكون النتيجه ان يفضل يجرب النوعيه دى ويجرب دى لانه مستعجل ع الاخر ويمر الوقت شهر مع التانى مع سنه والتانيه بيجرب ومفيش حاجه نافعه لانه متسرع ودخل الدخله الغلط
طب الصح اية ويختار مجال كويس للربح ازاى ؟
لو انت مؤمن ان النجار الشاطر طلع نجار شاطر لان ابوه كان نجار بس يبقى عندك مشكله
لو انت مؤمن ان المهندس الشاطر بقى شاطر لانه حاصل على شهاده هندسة بس يبقى عندك مشكله
فى مليون نجار ومليون مهندس لكن الشطار عددهم عشرات او مئات فقط
الفرق بين الصنايعى الشاطر والصنايعى الفهلوى اللى مقضيها هو المقوله دى
( حب ما تعمل لكى تعمل ما تحب )
اختار اى مجال يعجبك على الانترنت فجميع المجالات فيها ربح دون استثناء
ولو انت شايف ان فى مجالات مفيهاش ربح يبقى معرفتش تطلع منها ربح
الاختراعات والفرص الكبيره مش بتيجى من حاجه بنحبها بس لاء
الالم والاحتياج ممكن يصنع اختراع و ( الحاجه ام الاختراع )
اختار مجال تخصصك بناء على دراسه وتحليل للسوق ويكون مناسب لطبيعتك الشخصيه اللى تخليك تتعلمه كويس وتطلع منه افكار تخدم جمهورك
مجالك اللى اخترته هيبقى كل حياتك - شغلك - تفكيرك - ابداعك - تعليمك
اتعلم كل شىء عنه فى كل مكان - اجمع عنه كل المعلومات المفيده -
اتعلم مجالك باستمرار ولا تتوقف عن التعلم من اجل التطوير واوعى ف يوم توصل للغرور وتقول انك خلاص بقيت خبير ف مجالك لان الخبره فى مواصله التعلم والفهم والابداع
مجالك اللى هتقدر تكسب منه كويس هو المجال اللى لسه هتتعلم فيه كل حاجه مش اللى انت اتعلمته وخلاص لاء اللى تقدر تكمل تعليمك فيه وتقديم المزيد
مقالات قد تهمك:
