laptop used لابتوب مستعمل او استيراد الخارج هو احد الحلول للحصول علي جهاز لاب توب للأستخدام الشخصي او للأعمال بسعر معقول وذلك بسبب ارتفاع اسعار الاجهزة الجديدة لحد اعلي من ميزانية العديد من الاشخاص، لكن هناك بعض الامور اللتي يجب معرفتها قبل شراء حاسوب محمول مستعمل!.
انت محتاج اللاب توب في ايه؟
اي جهاز موجود في السوق يعتبر لبتوب lap top لكن اللي بيفرق في الاستخدام هو انت محتاجه في ايه وايه هي استخداماتك للجهاز وعلي حسب شغلك اكيد هيتحدد سعر جهازك، عشان كدة لازم تعرف انت متطلباتك ايه في الجهاز اللي بتفكر تشتريه.
كمثال انت محتاج جهاز لتشغيل برامج الاوفيس وتصفح الانترنت فأنت في الحالة دي اى جهاز ممكن يفيدك في هذا المجال ولكن انت في حاجة الي جهاز للألعاب او الريندرنج "مونتاج/ تصاميم/....الخ" انت في الحالة دي محتاج جهاز اعلي بمواصفات محدده لا يجب ان تقل عنها كمثال معالج من فئة i5 جيل 6 او 7، شاشة كبيرة نسبيآ لسهولة التعامل مع الحاسوب كمثال 17 بوصة، هارد من نوع SSD وليس hdd وان كان يمكننا استخدام الاثنان سويآ فهذه ميزة جيدة، رامات لا تقل عن 8 جيجا وان كان اكثر فهذ افضل.
لكن لو الميزانية الخاصة بينا مش سامحه ان يكون الجهاز بأمكانيات جيدة لازم قبل ما تشتري أي لاب توب مستعمل, فيه كذا حاجة لازم تعملها عشان تتأكد إن الجهاز كويس و مافيهوش أي مشاكل وهي:
لا تشتري لابتوب بهذه المواصفات:
إذا بتشتري لابتوب فاحذر من اللابتوبات غير العملية التي من مواصفاتها:
- *الشاشة دقتها 1366×768 أو أقل
- *الذاكرة 4GB أو أقل
- *البطارية تعمل ساعتين أو أقل
- *المعالج Celeron أو Pentium وما على مستواها
- *سرعة المعالج أقل من 2GHz بدون ميزة Turbo Boost
للأسف منتشرة وسعرها رخيص وكفاءتها سيئة!
6 خطوات مهمة قبل ما تشتري لابتوب مستعمل لازم تعملها
1- هتبدأ بالحاجات السهلة اللي مبتخودش وقت زي الكيبورد و ديه يستحسن إنك متستخدمش فيها أي برنامج, كل اللي عليك إنك تفتح ملف وورد و تجرب عليه كل زرار شغال ولا لأ و تتأكد إن كل الزراير راكبة كويس في مكانها و مش بتحتاج ضغطة قوية عشان تكتب
2- بعد كدة هتجرب كل مداخل و مخارج الجهاز زي ال usb و ال VGA و ال DVD و أي مدخل غيرهم
3- لو الجهاز فيه كاميرا, هتدخل عالرابط دة و دوس على start و إتأكد إن الكاميرا شغالة
أو لو عندك ويندوز 10 إكتب camera في خانة البحث في الويندوز و لو فتحت يبقى شغالة تمام
4- بالنسبة للشاشة فلازم تتأكد إن مافيهاش أي بقع بيضاء أو أي نقط سودة من خلال إنك تدخل عالموقع دة
و تدوس start test و تقعد تتنقل ما بين الألوان لحد ما تتأكد إن الشاشة مافيهاش مشاكل
5- لو الجهاز فيه كارت شاشة AMD أو Nvidia فكل اللي عليك إنك تنزل برنامج FurMark اللي في الرابط دة :
و تختار الجودة على حسب قوة الكارت بتاعك و بعد كدة تدوس burn in - test و سيب البرنامج شغال من 15 ل 20 دقيقة. لو الشاشة معملتش أي رعشة أو الجهاز موقفش مرة واحدة أو مفصلش خالص يبقى كدة كارت الشاشة سليم و مافيهوش مشاكل
و تقدر تتأكد من البروسيسور بنفس البرنامج, بس المرة دي دوس على cpu burner و إفتح ال task manager و إتأكد إن البروسيسور مستهلك 100% و إن الجهاز معملش أي مشكلة من اللي ذكرناها في كارت الشاشة
6- بالنسبة للهارد فبلاش برنامج HD Sentinal لأن بعض التجار بيلعبو فيه و بيخلوا الهارد كأنو جديد. الأفضل إنك تنزل البرنامج اللي في الرابط دة
و بعد ما تشغله دوس على Error Scan و دوس Start. لو البرنامج جاب أي نقطة حمراء يبقى كدة الهارد فيه مشاكل و لازم تغيره.
