يعد واتس اب whatsapp من اسهل تطبيقات المحادثة وعمل الدردشة مع الاصدقاء او العملاء وذلك لسهولة الحصول عليه وتوافره مع اغلب المستخدمون عبر هواتفهم المحمولة خاصة بعد شراء فيسبوك لهذا التطبيق ودعمه بشكل كبير.
ومن الضمن الميزات اللتي اتاحها واتساب في التحديثات الاخيرة هي امكانية تحويل الرقم الخاص بك الي رابط مباشر بمجرد الضغط عليه يمكن للأشخاص التواصل معك بشكل مباشر عبر تطبيق whatsapp.
ازاي تحول رقم الواتساب لرابط مهما كان الرقم ومش لازم يكون واتساب بيزنس؟
فيه موضوع مهم وناس كتيرة ممكن تستفيد منه وخاصة اللى مسئولين عن صفحات بتبيع منتجات أو خدمات، ولاحظت إن فيه ناس لحد الآن لسه متعرفش حاجة عنه.
وهو ازاي تخلي رقم الواتساب - لو حتى مش واتساب بيزنس - عبارة عن رابط بحيث العميل يدخل عليه مباشرة ويبعت على الواتساب بدون الحاجة لتسجيل الرقم عشان يبعت رسالة.
عملاء كتيرة ممكن تكسل تراسل الصفحة أول ما تشوف رقم الواتساب في البوست، وفي نفس الوقت أنت ممكن تعمله الرقم رابط بحيث أول ما يضغط عليه يبقى عندك ويبعت الإستفسار اللى عايزه أو يطلب من الأوردر بسهولة وبساطة.
طب الموضوع بيتعمل ازاي؟
يمكنك ببساطة الدخول إلى خدمة انشاء رابط واتساب ومن ثم ادخال رقم هاتفك والضغط على زر انشاء الرابط وستحصل على رابط خاص برقمك:
ايضآ بكل بساطة انسخ الرابط ده
https://api.whatsapp.com/send?phone=0201xxxxxxxxx
وروح لمتصفح أو Note الموبايل واعمله لصق
وبعد = هتحط كود البلد (لو مصر مثلا هتحط 2+) ورقم التليفون اللى عايز الناس تراسلك عليه، والأفضل بعد كده تعمله short link للرابط ده كله - ممكن تعمله من أي موقع من مواقع اختصار الروابط زي bitly مثلا - وبعد كده تستخدمه في كل بوستاتك عادي بحيث الناس تبعت لك عليه.
وفيه طريقة تانية برده:
وهي إنك تكتب 2 وبعدها رقم الموبايل في اخر الرابط ده
https://wa.me/01xxxxxxxxxxx
أنت كده هتسهل العميل عملية التواصل وهيبقى أفضل كتير من إنك تكتب الرقم في بوست او موقع
الموضوع من طرف /عبدالرحمن شهاب الدين
