في هذه التدوينة سنتعرف علي مجموعة من النصائح الهامة الموجهة لأصحاب قنوات اليوتيوب الجديدة والقديمة لكي تصل الي الاحتراف التام والحصول علي المذيد من المشتركين وبالطبع جني الاموال من نسبة المشاهدة وعرض الاعلانات علي فيديوهاتك.
لو انت صانع محتوي فيديو أو حد بيحب ينزل فيديوهات ع اليوتيوب أو السوشيال ميديا عموما، فالموضوع ده يهمك وهتعرف شوية (tips) نصائح كده سريعة هتساعدك كتير بإذن الله.
1- المقدمة بتاعة الفيديو لازم تكون قصيرة وسريعة، وتقول فيها اللي هيستفاده من الفيديو؛عشان لو معرفتش تشده ف أول (٥ ثواني) من بداية دوسة ال (audience) ع ال (play button) هيقلبك ويدخل ع اللي تحتيك.
2- العنوان جذاب ومش سبام أو مظلل، يعني اكتب عنوان كاتشي وجذاب ومغناطيسي وكل حاجة زي ما انت عايز،لكن إياك تلعب مع ال (audience) وتوعدهم ف العنوان بحاجة ويدخلوا الفيديو يلاقوا حاجة تانية خالص.
هتلاقي أحلي (dislike)،
أحلي (unsubscribe) دا لو كان عامل،
أحلي (report) لعمو يوتيوب.
ومش بعيد يقوله لاحتوا الفيديو ع مشاهد جنسية!
لأن الزبون سيصبح ظربون!
3- تركز ع ال (thumnail) :
وده الصورة اللي بتعملها للفيديو بتاعك واللي بتظهر كغلاف للفيديو قبل ما الزبون بتاعك يدوس ع الفيديوهايه اللي انت منزلهاله.
فخليها (close) شوية.
يعني يكون كل شيء ف الصورة معالمه واضحة وقريب.
مش الحاجة متصوره أكنها متصوره بقرف.
أكنم قاعد ع الكنبة وبتصور باب الشقة -أكيد كده فهمت قصدي يعني إيه لازم تكون كلوز - .
4- تصميم الصورة يكون كويس بالفوتوشوب بقا أو الإليستريتور أو أي برنامج تاني.
المهم تكون صورة بنت ناس كده ومش مهم تكون احترافية.
المهم ف التصميم البساطة وتوصيل الفكرة بسرعة.
5- كل لما تحط عامل بشري ف التصميم ... كل لما كان أفضل.
المصدر:(شوية علماء علم النفس قاعدين يرغوا ع قهوة ف منطقة عشوائية).
6- بلاش ال (static videoes) يعني :
لازم يبقا فيه فصلات ف الفيديو خاصة لو طويل؛ عشان الناس متملش.
يعني يبقا فيه فيديوهات وصور تتعرض ف الفيديو عشان الملل.
مينفعش يكون وشك ف وشك الجمهور طول الفيديو من دون أي انتقالات أو خاجات تانية تظهر تشرح حاجة،
توضح حاجة،
تفسر حاجة،
أو أي (visuals) يعني من باب المتعة.
7- ممكن تعمل ع وشك شكل غريب أو مضحك ساعات كنوع من التغيير.
بمعني :
عوّد المشاهد انه ميتعودش ع شكل معين أو شخصية معينة ليك.
خليه كل مرة يتفاجيء بالجديد ف الفيديو،ويكون عايز يدخل عشان يعرف الجديد والحاجات المختلفه اللي هتعملها ف فيديوهاتك!
خدلك لفه ف فيديوهات (الدحيح وجوشو والسليط الإخباري) وانت تفهم قصدي !
8- تكتب اسكربت الفيديو باحترافيه باستخدام علم كتابة المحتوي.
مش أي حد يقدر يكتب اسكربت حلو لفيديو يشد الجمهور المستهدف لأخر لحظة.
9- تشوف مين هو جمهورك المستهدف.
وتعرف بيحبوا ايه،بيكرهوا إيه،إيه المشكلة اللي ممكن تحلها بالمحتوى،إيه الفرص الجديدة اللي ممكن تفيدهم ف حياتهم؛عشان يحبوا محتواك ويدوك لايك وكومنت وشير وسبسكرايب ونوتيفكيشن وكل حاجة يحبها أي (video creator).
10- ظبط الكلمات المفتاحية بتاعة الفيديو وبتاع القناة.
وخليهم محددين ومتكترش منها وخلاص حددهم عشان تريح (جوجل وخوارزمياته وعناكبه) ف إنهم يحددوا قناتك وفيديوهاتك ده بتتكلم عن إيه بالظبط.
ريح العناكب،العناكب تحبك وتطلعك ف النتايج الأولي.
11- مش مهم أوي الإضاءة وجودة الفيديو لو القيمة اللي ف الفيديو عاليه جدااا.
المهم المحتوى !
المحتوى مقدم ع أي حاجة تانية.
بس لو عندك القدرة تظبط كل حاجة يبقا زيادة الخير خيرين تلاتة.
12- نزل لينك الفيديو من اليوتيوب ع السوشيال ميديا لو ع اليوتيوب مع اول ( ٢ دقيقة) مثلا من الفيديو مع مقدمة وعنوان حلوين يشدوا الجمهور انه يدخل ع اللينك.
13- تتابع الناس اللي يتجيب فيوز عالي وتشوف ايه الحاجات المميزة اللي بيعملوها وتتعلم منهم.
مش حرام ولا عيب ولا تقليد دي صياعة !
14- تقول للناس وتشجعها انها تعمل شير ولايك واشتراك وترن الجرس بتاع صفحتك ويدوسوا (all)؛عشان يجيلهم كل فيديو تنزله بعد كده ف إشعاراتهم.
واديهم سبب!
يعني قولهم اعملوا (كذا كذا)؛عشان يوصلكوا كل الفيديوهات المتعلقة بكذا،أو حول موضوع كذا.
15- تعمل مسابقات عشان تزود لمة الناس ع فيديوهاتك.
16- الإنترو تكون بسيطة !
مش لازم حد محترف يعملهالك.
يعني أي حاجة بسيطة وخلاص حتا لو عبارة عن صورة مكتوب فيها اسم قناتك،والميزة التنافسية بتاعتك،واللي بتقدمة ف الفيديوهات بتاعة القناة. وتعمل انتقاله وشكرا وتكون وسريعة (٢:٣ثواني) حلوين.
ولو عرفت تستغني عنها وتعملها بعد كام دقيقه من كلامك ف الموضوع وبعد ما تكون شديت اللي بيتفرج للمحتوى بتاعك بإنك قولتله هو هيتعلم إيه، وهيستفيد ايه من الفيديو ده،وليه لازم دلوقتي يشوف الفيديو بتاعك.
ويبقا أفضل كمان ولو عرفت تستغني عنها خالص، وتوفر وقت وجهد وفلوس عمايلها.
ميضرش خالص وفلوسنا ف محفظتنا !
17- تحط كلام ف الفيديو نفسه يحفز اللي بيشوف انه يكمل الفيديو للأخر ويبين انت هتشرح ايه ف الجزء اللي بعد كده.
18- حاول تستخدم أرقام ف عنوان الفيديو الناس بتحب الارقام أوي وتشدها للمحتوى.
19- اقعد ساعة بعد رفع الفيديو للرد ع التعليقات عشان ال (rank) بتاع الفيديو يعلي وميفضلش يقل لحد ما يموت.
20- تريكّاية صايعة :علق ع التعليقات اللي ع الفيديو بكذا كومنت.
متخليش الرد كله ف كومنت واحد،وحاول تجزأه.
عشان يزيد عدد التعليقات،وبالتالي يزيد ال (rank) !
والحركة ده تطبقها ف كل السوشيال ميديا عموما لما تنزل عليها محتوى.
21- متحطش صورة ملهاش علاقة بالمحتوى بتاع فيديو اليوتيوب عشان ميتعملش للفيديو (private) مش (public) والأساتذة بتوع اليوتيوب يشلوحوك ويشنيروا ويخيطوا القناة بفيديوهاتها كلها !
اليوتيوب غدار ع فكرة وقلبته وحشة ومعندوش عزيز ولا غالي ف موضوع ال (spaming) ده !
22- لو هترقع فيديوهاتك ع اليوتيوب لازم تكون مذاكر (youtube seo) كويس لو عايز توصل بسرعة.
وده ممكن نعملها (tips سريعة) برده ف بوست لوحده.
23- اهتم جدا بموضوع ال (playlist) لو بتعمل سلسلة متعلقة بموضوع واحد.
و حاول تربط كل الفيديوهات بتاعة الليست ببعضها؛عشان لما حد يخش يشوف فيديو منهم ويعجبه المحتوى بتاعه؛يظهرلة بقيت الفيديوهات بتاعة القايمة ف ال (realted videoes).
طب اعمل كدن ازاي؟
ف عنوان الفيديوهات حاول تربطهم بترقيم زي ( ١ -٢ -٣)
يعني تقول مثلا ف العنوان:
التسويق بالمحتوى ١ -عملية البحث-
التسويق بالمحتوى ٢ - ال CTA- وهكذا...
وتحط نفس ال (tags) ف كل فيديو منهم؛عشان الخوارزميات تربطهم ببعض وتعرف انهم متعلقين بنفس المحتوى والموضوع اللي المشاهد بيبحث عنه.
وبالهنا والشفا للمشاهدات اللي جيالك.
24- اكتب المعلومات ده ف كشكول عندك أو سجلها ف دماغك لو مخك دفتر.
وحاول تطبقها وان شاء الله هتشوف نتايج تبسطك وترفع روحك المعنوية وتقوي جهازك المناعي !
وان شاء الله نشوفك كده يوم عامل فيديو بتورينا فيه ال (silver play button) (درع البوتيوب).
ونصيحة أخوية :
ابعد عن المحتوى المبتذل ومتفرحش بلمة الناس حواليه.
كله هياخد وقته وبيمشي والمحتوي القيم هو اللي بيقعد طول العمر واللي ب (ever green).
وخليك مساهم ف تنضيف القاع شوية.
وبلاش نزود ال (shit) اللي جوة بلاعة السوشيال ميديا !
الخلاصة !
تظبيط الفيديو وتسويته بشكل مظبوط هيخليه عامل زي الفشار كل لما تسويه اكتر وبشكل مظبوط، كل لما هينط لفوق وتزيد مشاهداته زي ما بينط الفشار وبيخبط ف غطا الحله.
وهيظهر الفيديو برده ف مرتبة متقدمة ف محرك البحث بتاع يوتيوب وجوجل والفيس.
الموضوع منقول للأفادة
