ازاي اجيب افكار للمحتوي بتاعي؟

كثير من الاوقات يصاب كاتب وصانع المحتوي بالملل وعدم القدرة علي الحصول علي فكرة جديدة لتدوينها، وفي هذا المقال يشاركنا Usama Mohamed بطريقة ابداعية طريقة الحصول علي افكار ابداعية للمحتوي الخاص بك.

ازاي اجيب افكار للمحتوي بتاعي؟

لو فكرت تكسل ومتقراش المقال ده،
فاحب اقولك إن دي فكرة مش كويسة خالص.
لأن المقال ده هيوريك ازاي تجيب أفكار للمحتوي بتاعك من (الهوا)،وانت قاعد رجل ع رجل،و بتشرب كباية الينسون الجميلة.😃
خلينا ننطلق!

أول حاجة!

طب إيه ال (writers blocking) ده؟!
هيا حالة من التوهان،والسرحان،والإحباط
بتحس فيها إن دماغك بتقولك مفيييييييش ماااااافيييييش.😹
خلصنا ياعم ال (creativity) ،وقفلنا (شيكارة الأفكار).😕😩فالموضوع أكتر من مجرد blocking؛لأن بيبقا فيه حالة من ال (zeros أفكار) تحيط بالمكان.
طب إيه أسباب الحوار ده؟ (٤حاجات)
- أولهم:خوفك وقلقك من انك متقدرش تقوم بال (task) المطلوبة منك قبل ال (deadline).
-تانيهم:خوفك من رد الفعل لو ال (task) مطلعتش كما يجب أن تكون.
-تالتهم:احساسك بإن مستواك (راكب زحليقة)، وبقا ف النازل،وانك مبقتش زي زمان،والقوالب نامت، والانصاص قامت،وكل الأمثال الشعبية الجميلة ده.😹
-أخرهم: انك عايز توصل لل (perfectionism) دايما،وعندك (هوس) بالوصول لحالة (الكمال) ف اللي انت بتكتبه.
وعايز كل حاجة تطلع زي ما قالت (الكراسة).😅
(وده بالمناسبة عمره ما هيحصل إلا ف حالات نادرة.فمتوجعش دماغك ع الفاضي)._الكمال لله وحده_
دا حتى مصطفي كامل مش كامل ياجدع.😂😂
وكما قال الشاعر:
you born to be real,not to be perfect.😄

طب إيه الحل بقا؟!

٢) اسأل المتابعين ع محتوي تنزله:نزل بوست خفيف كده اسأل فيه المتابعين ع للمحتوي اللي يحبوا يشوفوه منك ف ال (next days).
وبالمره طالما كتبت بوست وكده،اسألهم ع أكتر محتوي/وأكثر نوع محتوي بيحبوه وكتر منه سواء بقا:
(مقالات/بوستات خفيفة/تريكس ع السريع/heavy content/فيديوهات/جيفز....إلخ).
وده بالمناسبة جزء من ال (content analysis) اللي لازم تعمله كل شهر.
بس دا مش موضوعنا دلوقتي؛عشان منجنحش بالمقال بتاعنا.😁
٣) شوف الكومنتات،وشوف المشاكل اللي الناس اتكلمت عليها ،وجمعها ف (notes)،وابدأ اعمل محتوي عنها.
سواء الكومنتات ده عندك أو ع المحتوي بتاع المنافسين.
طب اعرف المنافسين دول منين؟
بسيطة يا صديقي.
تخيل إنك ماسك مثلا صفحة (لدكتور أطفال).

هتكتب كلمة (دكتور) ع (السيرش بار) بتاع الفيس، وتدخل ف كل الاقتراحات اللي هيديهالك، وتدخل ف كل جروب وكل صفحة و تعملها (save).
وتدخل دايما تتابع وتشوف هما بينزلوا ايه ممكن:
تستفاد منه،
أو تعمل زيه،
أو تعلي عليه،
أو ايه التريكس التسويقيه اللي عاملينها عندهم ممكن تفيدك انت كمان ف شغلك.😃
وبما إنك ف المثال هنا التارجيت بتاعك هما (الكتاكيت الصغيرين) من خلال استهداف (الأمهات).
ف لازم وانت بتعمل ال (buyer persona) بتاعتك تدرس برده الأمهات دول بيتابعوا صفحات ايه تاني.
وتدخل ع الصفحات ده وتبص بصة ع المحتوي اللي هما بينزلوه؛عشان تستفيد منه ف المحتوي بتاعك،وتقدر تجذب الأمها دول.
يعني مثلا من خلال تجربتي ف الحته ده،ممكن أرشحلكوا كام صفحة أكتر من (٧٠%) من متابعيها من ال (females) بمختلف أعمارهم.
صفحة:
١) تنهيدة
٢) simplicity
٣) 00: 00
٤) wait
والصفحات المشابهه ليهم اللي بيسموا التسميات الغريبة ده.😃
٤) وأي صفحة/جروبس ليها علاقه عموما بتربية الأطفال/طب الأطفال/الأطفال حديثي الولادة/الحمل/نصائح للحوامل وهكذا...
-والكلام ده كله (نقطة ف بحر) من موضوع:
-competition analysis
-content analysis
-buyer persona
نبقا نتكلم عليهم بعدين.😃
٤) هات ورقة وقلم،وابدأ اكتب أي حاجة. شخبط شخابيط،لغبط لغابيط (حرفيا)؛عشان تدخل ف مود الكتابة ومتبقاش قافل من الموضوع.
متبطلش كتابة
٥) اقرأ المحتوي القديم اللي كتبته قبل كده؛هيديك أفكار تانية.
٦) حط نفسك مكان العميل،وشوف إيه الأسءله اللي ممكن تسألها لنفسك،والمشاكل اللي ممكن تقابلها وانت بتشتري المنتج/الخدمة اللي انت بتبيعها،واعمل محتوي عليها.
وزي ما قال صديقي أينشتاين:
(The important thing is not to stop questioning).
😻بحب جدا مقولات هذا الأينشتاين😻
٧) لو عجزت خالص؛
هات مقال طويل وقسمه (atomization content):
وده عبارة عن إنك بتجيب محتوي تقيل وكبير(heavy content) عملته قبل كده،وتقسمه لمحتوي أصغر؛وبالتالي هتقدر تعمل كذا (poc) من (كانتنت بيسيهايا) واحده بس😃
٨) ادخل ع اليوتيوب،واكتب أي كلمة متعلقة بالمجال/بالموضوع اللي هتكتب فيه؛ هتلاقي برده أفكار كتيرة بخصوص المجال أو الموضوع انت لسه متكلمتش عنها،ولا قولتلها صباح الخير لسه.
ف (youtube it) بقا وعيش.😃
٩) اقرا كتب
بس خد بالك!
بلاش تقرا كتب ملهاش علاقة قريبه بالمجال/الصناعة/الموضوع اللي انت بتكتب فيه!
يعني متكونش ماسك صفحة لمطعم وقرايتك تكون ف علم التشريح(Anatomy) أو (خيال علمي).
ممكن تقرا ف كتب ليها علاقة بالاكل/الشرب/الموضة/طريقة الحياة الصحيحة... إلخ.
أو مثلا لو بتكتب ف مجال التسويق؛
اقرأ كتب متعلقة بالبيزنس عموما:
ادارة
مبيعات
تسويق طبعا #بديهيات😁
علاقات عامة
اتش آر
وهكذا.... 😃
-ممكن تقرا من تلت: سبع صفحات ف ال (weekdays) (الايام العادية).
انما ف ال (weekends) (أيام الأجازات) ممكن تقرا من خمناشر: عشرين صفحة بس؛عشان بس منضيعش وقت خروجة الساعة سبعة.😁
وفيه معلومة كنت قريتها قبل كده بتقولك:
(إذا قرأت (١٥ دقيقة) يوميا؛فسوف تقرأ (٢٠ كتابا) سنويا. وستصبح من ال (٢٠%) من الأشخاص الأكثر قراءة ف العالم).😃
١٠) ادخل ع المنتديات/الجروبات الخاصة بالمجال/بالموضوع اللي انت بتكتب فيه.
ودور كويس،والبس نضارة وخبط الأول؛عشان بيبقا فيه تجمعات حريمي (بالزاف)ف هذه المناطق.😃
١١) نزل بوستات أوقات الفراغ:
-تنشر مش عارف مقولة تحفيزية تخص المجال.
-تنشر مش عارف بوست قديم يكون واخد (shares/reacts/comments) كتيير.
-تشير مش عارف (memes/comics).
-تعملك مش عارف فيديو (GIF).
مشي حالك يعني لحد ما ربنا يفرجها.😅
١٢) روح نام شوية.
النوم بيعمل (refreshing) للمعلومات اللي ف الدماغ وبيرتبها؛وبالتالي بيخليك تطلع بمعلومات وأفكار جديدة ليها علاقة بالمجال اللي (already) متعشش ف دماغك.
بس لسه متروحش تنام دلوقتي عندنا مقال عايزين نخلصه (ورانا شغل). 😁
وبعد كده روح نام؛عشان الدنيا تبقا تمام.😃
١٣) اكسر الروتين وخلي يومك فيه حاجات جديدة. (خد شوية أفكار أهيه):
-جرب تروح الشغل ماشي،وتتأمل في كل تفصيله ف طريقك.
-أو جرب تدخل ع زمايلك ف الشغل،و ف إيدك كيس (هوهوز) لكل واحد.ومتنساش تعمل حساب نفسك.😅
-وممكن كما تجرب تروح الشغل ساعة بدري وتفرح مديرك،أو ساعة متأخر.
وده انت وحظك بقا ع حسب مود المدير ساعتها؛هيبقا رد فعله ع التغيير الجميل ده.😹
الخلاصة:
حاول يعني تعمل أي حاجة تكسر بيها الروتين ده ماعدا إنك:
تزعل أبوك وأمك.غير كده اشطا عادي😅
١٤) اعمل (content recycling): يعني تحدث المحتوي القديم وتقدمه مرة تانيه بشكل جديد وهو لابس، ومتسرح،ومتشيك.
يعني هتعمل (edit) لمحتوي قديم،و تضيف معلومة جديدة،وتعمله شير تاني.
بحيث يكون اكثر قيمة وإفادة.
وتغير طبعا ال (headline) بتاع (المحتوي القديم).
١٥) اعمل (content Re-perposing): يعني فكرة محتوي بتعملها ف شكل تويتا.
وبعدين نفس الفكرة تعرضها ف بوست طويل شويه ع الفيس.
أو ممكن تعرض برده نفس الفكرة ف شكل مقالة كبيرة شويه.
ووممكن تعملها ف فيديو.
أو ف شكل (infographic).
أو (instructographic).
أو (edugraphic).
يعني بتقدم نفس المعلومة بس ف شكل جديد.
-شوية الأفكار اللي جاية ده هيا أكتر الأفكار اللي بعملها والمحببه لقلبي.😻
١٦) ادخل الحمام!
أنا عن نفسي فيه أفكار كتيرة بتجيلي وأنا باخد دش!
بسبب إني بكون ف حالة استرخاء ذهني وجسدي،ومش حاطط حاجة ف دماغي.
فالأفكار بتجيلي لا إراديا كده.
وبتبقا فعلا أفكار حلوة!
بس حاول انت تسرح بخيالك.
وتفكر ف البيزنس اللي انت ماسكه،وابقا ادعيلي!😃
و بعد كده لما المدير يسألك ع أفكار،قوله:
(اديني خمس دقايق أدخل الحمام وارجعلك).😹
١٧) اختار التوقيت الصح اللي تكتب فيه. التوقيت اللي يكون ذهنك فيه صافي،حالتك المزاجية عال العال،مستكنيص،منشكح،فرفوش،بتضحك،وآخر ألاجا.😍
١٨) اقرا الحاجات الجميلة الناجحة اللي كتبتها قبل كده،حتا لو كانت من سنة ٤ هجريا😃،واقرا تعليقات الناس عليها؛هتتشحن طاقة ⚡إيجابية،وهتبدأ تحط القلم ع الورقة من تاني.
١٩) شوف المجال/الموضوع اللي انت بتكتب فيه، واقعد اتفرج ع صور تخص المجال/الموضوع.هتلاقي أفكار كتيرة نطت ف راسك، وكشافات استاد القاهرة الدولي نورت فوق شعراياتك الجميلة.
-ادخل ع (pintrest) و ادعيلي. 😃
٢٠) حط كل الأفكار اللي بتجيلك ع التايم لاين/ف حياتك عموما ع برنامج (keep) بتاع جوجل أو برنامج (pocket) هتحتاجها بعدين صدقني.
والبرنامجين دول هيكونوا أساسيين ف شغلك.😃
٢١) اقفل اللاب/الموب خالص،و غمض عنيك،وخد نفس عميق،واسرح بخيالك.
٢٢) متبدأش أبدا بمقدمة البوست/المقال/أيا كان المحتوي.
سيب العنوان والمقدمة للآخر!
وابدأ اكتب ال (body) أو القلب/المتن الأساسي بتاع المحتوي.
وبعد كده ارجع اكتب المقدمة والعنوان اللي يشدوا اللي هيقرا.
لما تكتب المحتوي كله هيديك أفكار حلوة بعد كده لكتابة العنوان والمقدمة وهتخليك تكتب مقدمة أو عنوان ميكونش (spam) أو مزيف أو مضلل للي بيقرا.
وهيخليك تكتب بقلب جامد وكلك ثقة من العنوان والمحتوي اللي انت كاتبه.
(فيه ناس كتير هتختلف معايا ف الحتة ده أنا عارف).😃
٢٣) قبل ما تيجي تكتب عن حاجه تفحصها وتأملها أوي؛ عشان تديك أفكار تانية،وتحس بكل تفصيله فيها.
يعني لو بتكتب مثلا عن سقوط الشعر،
تأمل كويس ف الشعره وكأنها بتسقط من فوق جبل عالي (الشخص المصاب) وانت بتنظر ليها بحيره ومش قادر تنقذها.
او
وانت بتكتب بسرعة تتخيل القلم كأنه سونيك وهكذا...
(الحاجات ده بتقوي قدرتك التخيلية جدااااا،وهتخليك تكتب بوجهة نظر، وزوايا مختلفة).
٢٤) معظم الأفكار الحلوة بتبدأ من سؤال (هيحصل إيه لو؟!)
ف دايما اسأل السؤال ده لنفسك؛عشان تجيب فكرة للمحتوي.
و كمان وانت بتكتب المحتوي نفسه،اسأل نفسك السؤال ده؛عشان تجيب أفكار للمحتوي بتاع المحتوي ذاته.😃
٢٥) صلي ع الرسول و استغفر ربنا؛بتتحل بيهم كل العقد و جمود التفكير (طريقة مجربة).😃
٢٦) تابع التريندات من:
-جوجول تريندس.
-جروب (تريند).
-قناة اليوتيوب (تريندينج) BBC.
-موقع راءج: هتلاقي فيه اكتر مقالات والفيديوهات شهرة ع السوشيال ميديا.
٢٧) اعمل تمارين عقليه او جسدية قبل ما تبتدي تكتب.
حاول تقوم بشوية ضغط أو تمارين إطالة أو تجري ف مكانك.
بحيث إن الدم والأكسجين يوصلوا لدماغك بكمية كبيرة،وعقلك يبقا ف قمة نشاطه واستيعابه.
وبالنسبة للتمارين العقلية،
برنامج (math tricks) ممكن يقوم بالمهمة ده بكفاءة باتمان.😃
٢٨) شوف المواقع الاجنبية اللي بتهتم بنفس المجال اللي انت فيه.
Google it!
بالعربي وبالإنجليزي وعيييش!😃
٢٩) اقعد كرر الكلمة ده كذا مرة
انا مبدع
انا مبدع
انا مبدع.
البقاء ف مجالنا،بقا للأكثر إبداعا.
وانت قد التحدي!😃
وخلي عندك تفاءل بحجم جبل أحد!😃
٣٠) ابعد عن أي حاجه مزعجة ممكن تشتتك ف المكان اللي انت قاعد فيه:
-ناموس الأوضة.
-فرح (الكراش) اللي عاملينه تحت البلكونة.
-عياط ولاد أختك الصغيرين اللي مسمع لحد الدور ال ١٢،ومطلع عين (مدام سهير) جارتكوا الجديده.
-زعيق (عمرو أديب)،اللي بيخرم طبلة الودان.😏
-صوت غنا (عماد صاحبك) اللي عامل إزعاج لحيطان ال (offices) بتاعة الشركة كلها.
وغيرهم
وغيرهم
كتيييييير.......اسألني أنا.😁
٣١) اكتب ع جوجل الكلمة المتعلقة بالمجال او الموضوع،وهو هيكملك الباقي.
وشوف الافكار اللي هتطلعلك ف ال (suggestions).
٣٢) فيه مقولة كانت بتقول:
(إن الانسان مبيفكرش الا لما بيضطر يفكر!)
وده طبعا غلط!
طول ماانت محطوط تحت ضغط،عمرك ما هتعرف تفكر ف فكرة.
ولو فكرت مش هتكون فكرة حلوة أو أحسن حاجة.
عشان كده!
حاول دايما فكرة المحتوي الجاية تكون مفكر فيها وانت بتعمل الفكرة بتاعة دلوقتي.
يعني فكر ف الفكرة اللي بعد كده وانت بتعمل الفكرة الحالية.
متستناش لحد ما معاد عمل الفكرة يرزع الباب ويدخل عليك وانت لسه نايم.😁
٣٣) متستهونش خالص بأي فكرة تجيلك.
المهم تكون (related) بالمجال اللي بتكتب فيه و (related) للجمهور المستهدف،ويكون حابب إنه يتفاعل معاها.
من الأخر مفيش (no men land) أو منطقة محرمة أو ممنوع الكلام فيها.🚫
طالما حاسس إن (الأودينس) ممكن يتفاعلوا معاها خلاص.
نزل المحتوي وجرب وشوف رد الفعل هيبقا عامل ازاي؟!😃
ودايما توقع الغير متوقع.😃
شغلانتنا ده هتفاجءك بحاجات كتيرة!
٣٤) ادخل المطبخ!
مش قصدي مطبخ البيت!
قصدي مطبخ المجال/الموضوع ع اللي انت بتكتب فيه.
يعني حط نفسك ف كل تفصيله خاصة بالمجال، وعيش جواها،وابدا فكر؛هتطلع أفكار بالهبل!
انا مفهمتش حاجة والله!
ايه ده زيي يعني!
طب تعالي نقول مثال كده!
انا مثلا من فترة كنت بكتب مقالات/بوستات عن الماركتينج عموما،بطبق فيها اللي اتعلمته ف مجال كتابة المحتوي والتسويق.
ف جاتلي فكرة بعد ما عملت المقالات ده.
إني انزل بوستات اشرح فيه كل كلمة،وكل سطر، وكل تريكاية عملتها ف المقال عملتها ليه بناءا ع اللي اتعلمته ف علم صناعة المحتوي/اللي قريته ف التسويق.
ف انا عشان جوه المطبخ،وعايش الحالة،فبشوف كل حاجة ف حياتي عبارة عن تسويق ومحتوي.
زي ما تقول كده بيحصل بينكوا عملية (identification).
ف بتجيلي الافكار من غير ما اتعب نفسي.
وصلك قصدي!؟ 😃
٣٥) اسال الناس اللي عندك ف الشركة عن محتوي، وشوف كل واحد بيعمل ايه،يمكن تجيلك فكرة.
مثااااال:
انا لو شغال ف شركة تسويق
ممكن اروح لصاحبي(هيثم/طارق)
ودول شغالين ف ال (seo) مثلا
ممكن ابدأ اعمل محتوي عن ال (seo)،وازاي بنتعامل مع العميل اول ما يجيلنا/البريف/...إلخ.
لو شغال مع مطعم
ممكن اروح لصديقي( اشرف) اللي بيعمل احلي بيتزا عندنا.
واخده كده ف كلمتين ع جمب!
واخد منه سر الصنعة!
واعرف هو ازاي بيعمل البيتزا العسل ده -ابن اللذينة-!
واصورة وهو ماسكها مع خلفية جميله،وبرامج التعديل والتركيب اللذيذة.
خد عندك مثلا برنامج زي:
PicsArt
Color splash
Pixlr
Light x
mix
Snapseed
PhotoGrid
Lightroom
GoArt
Vimage
Pixaloop
Pixamotion
Vllo
Vmix
واكتب محتوي عن:(الخلطة السرية للبيتزا الشقية)(هيدلاين مجازي).😂
٣٦) حمل برنامج (flipboard)
هتدخل!
هتكتب كل أسماء المواقع اللي خاصة بالشوشيال ميديا/الماركتينج/ المواقع المتخصصة ف المجال اللي بتكتب فيه/أي موقع...
أو تكتب أي مجال انت عايز تتابع الأخبار بتاعته زي (التكنولوجيا) مثلا.
وكل يوم تدخل ع البرنامج وتتابع كل الأخبار اللي جاية من المواقع والمجالات ده!
وبكده تديك إلهام لمواضيع وأفكار للمحتوي،
وتبقا (updated) بكل اللي بيحصل ف المجالات اللي كتبتها،وبكده تعرف تكتب بدل قطعة محتوي 1000.
البرنامج فوق الممتاز.
نزله ومش هتندم!😻
١) (آخر طريقة)وده من أفضل الطرق بالنسبالي ويمكن عشان كده خلتها للأخر وبدأت من رقم (٢) ع طول😃:
اتفرج ع كام حلقة للدحيح😻
-انا عن نفسي اتفرجت ع كذا حلقة وانا بعمل المقال الصغير ده جتلي بتاع ٤: ٥ أفكار استخدمتهم ف كتابة المحتوي ده.😁
-اتفرج عموما ع ناس بتعمل محتوي حلو هتديك افكار حلوه وطرق للكتابة وانت بتكتب.
-الفرجه ع الناس الحلوة،بتجيب أفكار فوق الحلوة.😃
وع سيرة الناس اللي بتعمل محتوي حلو هرشحلكوا شوية:
١) الدحيح(ع رأس القايمة)
٢) جو شو. ٣) أحمد البحيري. ٤) عبد الله الشريف. ٤) السليط الإخباري. (متبصش ع ايدولوجية المحتوي لو انت مختلف معاهم سياسيا).
عايزك تبص وتشوف:
-طريقة عرض المحتوي والكلام.
-المقدمات بتاعة الحلقات.
-الجزء ال(funny/ال entertainment).
-ال CTAازاي بيصيغوها،ويقولوها بكل حرفنه.
-وغيرها حاجات كتير أوي هتتعلمها لما تتابع المحتوي بتاعهم.
٥) الاسبتالية. ٦) تقارير القنوات الإخبارية عموما (لو بتكتب محتوي بالفصحي).
ركز ع الخطوات ده وإن شاء الله هتتبسط جدا بالنتايج.😉
بعد ما تعمل كده هتلاقي ان شاء الله هتلاقي (جوجل أفكار).(١٠ أس ١٠٠).😃
لكن لو بعد كل ده ملقتش برده أفكار، يبقا انت فيه حد عاملك (عمل سفلي)،و نصيحة مني سيبك من الشغلانة اللي تقصر العمر ده،وروح خدلك كورس ديزاين ف المركز الثقافي الروسي.😂
بهزر معاك طبعا،
انت كويس يا ابني،
أزمة وهتاخدلها شوية وهتعدي ،وهتتستر(ع رأي واحد صاحبي ف الجيش).😄
وخليك عارف إن جوه كل (content creator) مننا (روكي صغير) بيطلع قبل ما مالطا ما تخرب.
فمتكبرش الموضوع،
هو مين فينا مش موجوع.😂
وخلي ف بالك برده!
إن اللي كتب كل الافكار ده،
ف يوم من الايام مكنش عارف يجمع فكرة بوست واحد.😃
ف اعمل بقا شير للبوست عشان تفك ضيقة أخوك ال (content creator) اللي قاعد ف المكتب، ومحبط من قلة الأفكار،وخايف لمديره يطرده وتديله أمل وأفكار.😃
بس لو صاحبك (بودي جارد) ف نفسه،وصحته كويسة وجايباه؛فمش لازم أوي تشير المقال عشان يشوفه.
هو كده كده مديره مش هيجيله ع سكه😹😹😹.
شاركنا كده بأحسن طريقة ليك بتجيب بيها أفكار،وبتفك بيها عقدة ال (blocking)؛عشان كلنا نستفيد منك! 😃