ان كنت تحتاج لكى تكون مبرمج مواقع او تطبيقات الهواتف فهناك بعض الشروط والقواعد يجب اتباعها و في هذه التدوينة سنتعرف علي اهم العناصر والخطوات التي يجب اتباعها لكي تصبح مبرمج ناجح.
كيف يمكن ان تكون مثل mr.robot؟
ماهي وظيفة محلل النظم؟
ازاي تضمن مكان متميز في سوق العمل في ظل تضخم أعداد الخريجين
كيف تصبح مبرمجًا ناجحًا؟
إذا كنت ترغب في أن تصبح مبرمجًا ناجحًا، فأنت بحاجة إلى الكثير من العمل والتدريب الشاق. في هذا المقال، سنقدم لك بعض النصائح والإرشادات التي ستساعدك على البدء في هذا المجال وتحقيق نجاحك فيه.
1: اولا ابعد عن الناس المحبطه
محدش هينفعك بكلامه , الكلام بتاع الاهل وشغل انت قاعد بتلعب مش بتعمل حاجه , وانهم لازم يشفوك متجرجر الصبح رايح شغل وجاي من الشغل ده سيبك منه ولما تيجي تتناقش مع حد في المجال ياريت تناقش ناس المجال نفسه , مش ناس متعرفش حاجه عنه
2: اعرف الفرق بين البرمجه ولغه البرمجه
الموضوع بظبط عامل زي الطباخ والوعاء اللي هيطبخ فيها
اتعلم الطبخ الاول وبعدين ابقي فضل الاداه اللي هتطبخ بيها
مش هتفرق لغه php من python كلها ادوات والله
لغه البرمجه وسيله وليست الغايه
if , else , true , false , functions , class , var , string ,object , null... وغيره من المصطلحات
الاساسيات دي لو عرفتها وفهمتها صح . هتفهم اي لغه برمجه في اقل وقت حرفيها مش هتاخد وقت
3: انت لسه بتتعلم متروحش تاخد لغه جديده زي بايثون
اللغات الجديده دي للمبرمجين مش للمتعلم , تم عملها عشان تريح المبرمج
الفنكشنز الجاهزه والادوات المساعده دي مينفعش تستخدمها الا لما تفهم الاول هيا اتعملت ازاي , والا من الافضل متتعلمش بقي وهات ادوات جاهزه وخلاص وسعتها يبقي انت بتضحك علي نفسك
4: اثناء تعلمك حل تطبيقات واسئله برمجيه
سؤال هجيب الاسئله دي منين ؟ اكتب علي يتيوب مثلا php labs او c# labs او java labs
هتلاقي اسئله كتير بالحل بتعهما والمطلوب منك يا بطل انك تحل طبعا من غير غش حاول علي قد ما تقدر لان الحل اللي في الفديو غير الحل اللي انت هتطلع بيه
1+2 = 3 وممكن 2+1=3 وممكن 1+1+1 = 3
المقصود ان في اكتر من طريقه للحل
اعطيك امثله عن الاسئله دي
اصنع برنامج من خلاله يعطيني عمري من خلال تاريخ ميلادي
او اعمل لعبه خفيفه زي xo كدا
في اسئله مثلا تتحل في 10 سطور وصاحب الفيدو بيحلها في 40 سطر
وعلي فكره كل لما تطور من نفسك هتلاقي الاسئله دي تافهه اوي
ممكن السؤال ياخد منك يوم عادي
ممكن 3 ايام عادي بردو ممكن اسبوع بردو عادي
المهم تحل , وبعد ما تحل تعالي بقي حل السؤال تاني مش هياخد منك 5 دقايق
حل بتاع 2000 سؤال بعد كدا يبقي شوف لغه تانيه
5: بعد ما اتعلمت الاساسيات خلاص خد اي لغه حديثه
عشان تتعلم لغه مش هتاخد منك شهر
الفرق بين لغات البرمجه ؟ ولا حاجه اللوجيك واحد بس تختلف في طريقه الكتابه مش اكتر يعني بدل var بيقي $ الموضوع تافه...
6: اعمل مشروع كامل
المشروع ما هو الا حل اسئله المشروع عباره عن 50 سؤال مثلا بيتحلو ورا بعض
وانت كدا كدا بتحل اسئله كل يوم . زي ما قلت في النقطه رقم 4
وانت كدا كدا بتحل اسئله كل يوم . زي ما قلت في النقطه رقم 4
حلتهم خلاص مبروك عليك بقيت مبرمج ناجح طور بقي من نفسك كل يوم ومتوقفش عشان المجال ده متجدد كل يوم لا كل ساعه وحياتك
واتمني من الله التوفيق لكم 😌❤️
فيديو اخر مفيد فى هذه النقطة
المقال من طرف المبدع / Medo Medo
قد يفيدك:
ماهو ال UI/UX؟ وماهي اهميته في التصاميملغة ANGULAR لتعلم برمجة وتصميم المواقع وتطبيقات الهاتف ببساطة
ماهي لغات البرمجة المستخدمة في انشاء ادوات الاختراق؟
أفضل 8 مواقع هتلاقي فيها أكواد جاهزة مفتوحة المصدر للبرمجة
