أهم Skills لازم تتقنها عشان تنجح باكتساح في الـ Career بتاعك

الشخص الـ Resourceful هو الشخص اللي يقدر يوجد حلول و اقتراحات سريعة للمشاكل و المواقف. الموضوع مش محتاج سحر، لكن محتاج إنك تكون مريت بمواقف صعبة في العمل كتير و حاولت تحلها و شوفت غيرك بيحلها (خبرة)، و إنك تكون قريت عن مواقف كتير و كيفية التعامل معاها. الشخص الكرييتف هو اللي بيعرف يستوعب أفكار و حلول الآخرين لخدمة الموقف اللي هو فيه. الشركات و الوظائف و أصحاب البيزنس بيعشقوا الشخص الـ Resourceful جداً، لأنه بيوفرلهم وقت و جهد و فلوس، بس شطارتك إنك ماترميش جهدك بدون مقابل كدة أو تكون متاح للاستغلال، و دي هنتكلم عنها في النقطة الجاية بإذن الله.

تحويل ما لديك من معلومة/ مهارة/ أفكار/ خبرة/ شغف/ ثقافة إلي مصدر للدخل. يمكن كلنا بنشوف فيديوهات لشباب بيسافروا، أو بيطبخوا، أو بيتفسحوا أو بيهزروا و يحطوها علي يوتيوب و غيره و يكسبوا منها كويس. سواء اتفقنا أو اختلفنا مع المحتوي بتاعهم، لكن كونك تحول حاجة انت بتحبها و تستمتع بيها، أو علي الأقل فاهم فيها إلي مصدر دخل، فدي Skill حاول تتعلمها. هتقوللي: "منا ماعرفش أنا شاطر في إيه". و البعض بيقوللي: "بس أنا مش شاطر في أي حاجة!"، و ده وارد، و السؤال هنا: أنا - حسب شخصيتي و ذكائي و قدراتي و استعدادي - أصلح لإيه؟ ممكن أتعلم إيه و أحوله لمصدر دخل؟ السؤال ده مهم جداً جداً جداً، لأن إجابته ممكن تنقلك إنت و أسرتك الكريمة و اللي حواليك نقلة تانية خالص، و ممكن في المقابل عمرك يضيع و ماتعرفش حاجة عن القدرات اللي ربنا أودعها فيك. الإجابة عن السؤال ده محتاجة الاستعانة بمتخصص، لأن الإجابة عنه عبارة عن بحث علمي هيتعمل عليك (Research).

كلمة (روتين) مظلومة معانا أوي. لأن الروتين مش معناه الإجراءات الغلسة اللي بنقابلها في أي مصلحة حكومية غرضها تضييع الوقت، دي اسمها (بيروقراطية). الروتين هو أي عمل بيتم أداؤه بشكل متكرر، سواء كان إيجابي أو سلبي. لو المجال يتسع كنت حكيت هنا بالتفصيل عن نماذج الناس الناجحين بشكل رهيب بسبب الـ Daily Routine الصح بتاعهم. الروتين الصح هو قطع البازل الصغيرة الكتير اللي بتتحط جنب بعض و بتاخد وقت و مجهود و تركيز عشان في النهاية تديني الشكل الجميل المطلوب، سواء الشكل الجميل ده يطلع مبلغ محترم، أو جسم رياضي، أو وظيفة حلوة بتستعد ليها يوميا، أو كل ده و المزيد. النجاح الحقيقي بييجي من خطوات صغيرة متكررة و مملة أحياناً و غالبا ماحدش من اللي حواليك مهتم بيها أو مقدرها أو فاهمها، و ده طبيعي. من الحاجات المهمة إنك تعمل ليك روتين يومي يتضمن شغل و رياضة و تطوير نفسك و عبادة لربنا و شوية ترفيه و تفاهة. خلي بالك: وجود التفاهة و الترفيه ضمن الروتين سبب مهم للالتزام بيه، لأننا غالبا بنعمل جداول و خطط و مش بنمشي عليها لأنها غير واقعية و بتتجاهل احتياجنا للراحة و الترفيه.

اتكلمنا كتير عن أهمية إتقان الإنجليزي في الشغل، و كتبت بوستات كتير عن إتقان الإنجليزي، لكن الإنجليزي العام لوحده مش كفاية، الإنجليزي اللي بيتضمن مصطلحات العمل المتفق عليه في كل الوظايف في كل الدنيا.. ده المطلوب بجد للشغل. الأمر مش مجرد حفظ مصطلحات بيزنس، لكن إتقان المهارات الخاصة بيها، زي الـ Presentation، Telephoning، Negotiation، Meetings .. و غيره.

كتبت بوست قبل كدة عن الـ Sales و كيفية إتقانه، هحط الينك بتاعه في الكومنتات بإذن الله. و خلينا نبقي صُرحا مع بعض، غالبية الناس مايحبوش يشتغلوا في الـ Sales، و لا بيحبوا الـ Salespeople، و بيشوفوهم نصابين أو ناس متلصصين أو زنانين، و ليهم أسبابهم المقنعة بصراحة في ده. الكلام في السيلز يطول، لكن باختصار في حاجة اسمها (Modern Selling Techniques)، يعني البيع الحديث مش البدائي، و ده تفاصيله كتير من أهمها إننا نحط في بالنا إن الـ Selling (البيع) و الـ Buying (الشراء) عمليتين مختلفتين، كل واحدة ليها دوافعها و أساليبها.. زي اتنين بيتكلموا لغتين غير بعض، عمرهم ما هيفهموا بعض إلا لو في لغة وسيطة يتكلموها. اللغة دي هي الـ Sales Skills، اللي بتخاطب عقل الإنسان و بتحترمه و بتتعامل مع العملاء مش علي إنهم (زبون لازم نعصره)، لأ، بنتعامل معاه كحد عنده احتياج و أنا عندي الحل، و وظيفتي إني أفهم الاحتياج صح عشان أقدم الحل الصح و أقنعه بيه و أزيل مخاوفه.

الـ Budgeting يعني وضع ميزانية (لازم يكون في مصدر فلوس الأول)، و هو نوعين: Personal Budgeting: ده ليك و للأسرة عشان تحوّش و تسد أقساطك.
و التاني Professional Budgeting ده للبيزنس بتاعك، قصة كبيرة تانية، و في الحالتين بنحسب علي أكثر السيناريوهات تشاؤما، و نفترض الأسوء و نحسب عليه، و عمنا Dave Ramsey الاستشاري المالي العالمي ليه خطة اسمها The Baby Steps كالآتي:

- تشيل 1000 دولار للطواريء ماتقربش منهم
- تدفع دينك تدريجيا (عنده خطة حاططها مجانا علي موقعه لكيفية سداد الدين)
- تحوّش نفقات 3 - 6 شهور
- شيل 15% من دخل الأسرة للتقاعد
- حط ميزانية للتعليم الجامعي للأولاد (التعليم الجامعي عندهم إنجاز)
- سدد تمن شقتك (عندهم في أمريكا شراء الشقة إنجاز)
- ادخر المزيد و استثمر و أنفق علي الفقراء.

طبعاً خطته دي عشان تطبقها علي مصر هتحتاج تعمل تعديلات كتير، لكن أهم ما في الموضوع إنك تسدد ديونك تدريجيا و تشيل مبلغ للطواريء و تحوش تدريجيا سواء بجمعيات أو أي نوع من الاستثمار الآمن.

الطلاقة اللغوية مش معناها بس إتقان اللغة الأجنبية، لأ مقصود بيها قدرتك علي التعبير (حتي بلغتك الأصلية) عن المعني و التغلب علي البطء في الكلام و التأتأة و السرحان و التوهان في المواضيع الجانبية و المقاطعات.

تاني، ده مش بس في اللغة الأجنبية.. حتي في لغتك العربية.. غالبية الوظايف اللي فيها تعامل مع عملاء بتحتاج لهجة Standard، زي القاهرية في مصر، و زي الـ RP في بريطانيا، و زي الـ GA في أمريكا. مع احترامي طبعا للهجة الصعيدية و وجه بحري و السواحلية و السيناوية و النوبية و كله.. كلنا زي الفل، بس ده بيتطلب كتير. و أنا عودتكم أكون صريح. و طبعا في اللغة الأجنبية أحاول قدر المستطاع أخلص من تأثير العربي عليها.. قدر المستطاع، مش لازم أبقي خواجة أو اتصنّع.

حتي لو مش هتشتغل في المجال ده، لكن الـ Skills بتاعته بيحتاجها أي مدير، أي سوبرفايزر، أي قيادي، أي صاحب بيزنس.

يعني قدرتك علي إنك تتجاوز الموقف السلبي اللي حصل و تكمل و ماتقفش عنده. و ده من الـ Skills اللي بتحتاج منك 3 حاجات: أولاً: إيمانك بالله بأن ربنا له حكمة في أي موقف يحصل، و ماتشغلش بالك إنك تدور علي الحكمة المخفية دي، ثانياً: دوّر علي الفرصة اللي ممكن تطلع بيها. ثالثا: حتي في حالات الأذي الشديد و الظلم (و كلنا اتعرضنا له و عارفينه) اعتبر نفسك بتتعامل مع مختلين، فخلاص، وفر طاقتك لعمل إيجابي منتج، مش لازم نخليها موت و خراب ديار (بعد الشر).

و دول كتبت فيهم بوست، هحطه في الكومنتات.. بس المرة دي أقصد حاجة مهمة: لازم جدا تؤدي شغلك صح، و تعرف تماركت لشغلك. ماتبقاش ضحية و انت اللي شغال و شايل الشغل و بتجتهد بضمير، و في حد يسوّق نفسه بالأونطة للإدارة و ياخد السوكسيه. ماحدش قالك نافق ولا تملق لا سمح الله، لكن شغلك تؤديه صح، و تعرضه صح، بشكل منظم، و متميز عن الباقيين، تعرضه مكتوبا و منطوقا بشكل مختلف. تبقي براند في كل حاجة.. إسمك لوحده يتقال فيفتكروا شغلك.. شغلك يتشاف فيقولوا آه ده فلان .. يعني من الآخر خليك حد مرسيدس في نفسك كدة.

مش لازم تبقي متاح 24/7 عشان تبقي إنسان خدوم و محبوب. و اتعلم تقول "لأ." وقت ما تكون الـ "لأ" هي الإجابة الصحيحة.

يعني سرعة الرد (مادام متاح)، و دي مفهاش تعارض مع النقطة اللي فوق، و لازم يبقي في عندك سينس بسيط كدة هل فلان عايزك في ضرورة قهرية ولا أمر مهم لكن يحتمل التأجيل. تنويه: راحتك البدنية و الذهنية من الأمور المهمة.

التفَهُّم. يعني تحط نفسك مكان الآخرين. و ده غير الـ Sympathy اللي هو التعاطف. و الفرق بينهم هو إن الـ Empathy يعني إنك تتفهم احتياجات الآخرين و اهتماماتهم حتي لو مختلفة عنك، و ده هتحتاجه في كاااافة مجالات البيزنس و الوظائف. لكن الـ Sympathy بتكون التعاطف مع معاناة الآخرين.

كامل احترامي لكل المتطوعين. و هنا ما أقصدش التطوع من نوعية جمعية رسالة و صناع الحياة و الأورمان. أقصد الشاب اللي يقضي 4 أو 5 سنين متطوع في أنشطة طلابية لكن مايفكرش يشتغل. الأنشطة الطلابية قيمتها في إنها بتعمل محاكاة للعمل. فالعمل أولي من محاكاة العمل. الأنشطة الطلابية مفيدة، لكن لأي حد و لمدد مفتوحة. هي عاملة زي الفيتامين، بتحتاجه لوقت لعلاج ضعف معين، كذلك الأنشطة الطلابية بتعالج ضعف في الشخصية، خجل، كسل، عدم وجود خبرة أو مهارات. لكن الأصل هو العمل. اشتغل لنفسك و اشتغل علي نفسك.

يعني إدارة أداء الناس.. و المقصود بيه كيفية التعامل معاهم. و بنقسم الناس في العمل لـ 3 فئات:

- المديرين Management
- الزملاء من نفس الدرجة Peers
- المرؤوسين Subordinates

إدارة التعامل مع الناس بيحتاج دراسة Business Psychology، و HRM.

التتلمُذ. مهارة إنك تسأل، و تقفل بؤك، و تسمع، و تاخد ملاحظات.

شوية تدريبات للصوت. و الله الصوت بيتدرب زي العضلات. الصوت البشري عموما له طبقتين أساسيتين: طبقة حادة و عالية (جواب)، و طبقة تخينة و منخفضة (قرار). طبقة القرار بتلمس الجانب العاطفي للناس، و بتساعد في التأثير علي أفكارهم، بينما طبقا الجواب بتكون لما المتحدث يسخن (زي مثلا في Presentation). و لازم التنويع بين الطبقتين حسب الموقف، لأن الناس بيزهقوا من الشخص اللي بيستخدم الصوت الأحادث Monotone.

بلا Teamwork بلا بتنجان. موضوع إننا مجموعة صحاب نتفق نفتح شركة مع بعض و نقسم الأرباح ده غالبيته نتايجه سيئة جدا، و في Teams بتتفكك قبل ما ندق مسمار في باب الشركة. اشتغل حضرتك انت لنفسك و ابني اسمك، ثم افتح مقر، و هات مساعد/ مساعدة ليك، ثم مساعد كمان، ثم عامل، و كبّر البيزنس بتاعك تدريجيا.. و شغّل الناس تحتك. و اللي زعلان من كلامي حاجة من اتنين: يا بعيد عن الواقع و ماجربش.. يا رومانسي و حالم زيادة عن اللزوم. و نصيحة: ماتشتغلش مع صحابك، ولا تصاحب اللي هتشتغل معاهم. إحنا بشر. حط حدود عشان الدنيا ماتبقاش سمك لبن تمر هندي. مشيها بقوانين مش بعشم. العشم غَشَم.

حساب المخاطرة. اطلع جبل الهيمالايا لو عايز.. بس احسب كل الاحتمالات، و احسب علي أسوء الاحتمالات هتعمل إيه. و انت داخل صفقة جميلة كبيرة مضمونة هتنقلك نقلة رهيبة و تكبر البيزنس بتاعك.. و حاطط آمال و طموحات للتوسع اللي هتعمله بعد الصفقة دي .. حط خطة لكيفية دفع الشرط الجزائي في حالة فشل الاتفاق من طرفك لا قدر الله.

مراسلات العمل بالإنجليزية. زي الـ Emails، و الـ Memo (المذكرات) و الـ Proposals (المقترحات/ الطلبات)، التقارير Reports.. و غيره. المادة العلمية كتير جدا علي النت في الجزئية دي.

معرفة عامة بكافة أساسيات العلم ده، و تطبيق عملي ممتاز للـ Skills بتاعته. للأسف بقي منتشر أوي أوي شباب بيتكلموا كتير جداً عن تفاصيل نظرية في الماركتنج نتيجة قراءتهم لكتب و مقالات، لكن المُضحك إنك لما تتكلم معاهم تلاقيهم فشلوا في إنهم يسوّقولك وجهة نظرهم في موضوع ما! يبقي الـ Marketing أهميته - لغير المتخصصين فيه - تكمن في إنك تعرف تطبق مهاراته علي عملك أياً كان، سواء تسويق مهاراتك و أفكارك و مؤهلاتك، أو تسويق منتجك أو خدماتك.

إنك تغلف الكلام المر بطبقة من السكر. أهمية الـ Skill دي تكمن في إن الناس مش بيحبوا الشخص الكئيب، و لو ارتبط في ذهنهم إنك قلتلهم خبر وحش، أو إديتلهم Feedback أو رأي سلبي عن أدائهم.. فهيتقفلوا لما يفتكروك. لما تحط الخبر السيء، بين مقدمة إيجابية و خاتمة إيجابية.. ده بنسميه الـ Sandwich Technique 🍔. فمثلا لو اضطريت تبلغ حد إنه اترفض في الإنترفيو، إبدأ بإنك تشكره علي اجتهاده و حماسه، و قوله نقطتين أو تلاتة إيجابيين عنه، ثم بلغه الخبر الوحش بلغة دبلوماسية بروفيشنال، ثم إقفل بإنك تقوله علي فرصة أو نصيحة، أو خطوات يمشي بيها.. و طمنه. و هكلمك عن موضوع الـ (طمأنة) ده في نقطة منفصلة.

صدّق أو لا تصدّق: أهمية الخطة تكمن في إنك تعرف تغيّرها و تخالفها.
من عجائب القدر إن كلمة خطة بالإنجليزي اسمها Plan، و بالفرنساوي كلمة Plan يعني (خريطة).

أهمية الخريطة أو الخطة مش بس إنك تمشي عليها طوالي، لكن أهميتها أيضا في إنك لما تخالفها، أو لما تعطل في نص المسافة تقدر ترجع تاني.

حط Plan A و B و C براحتك، بس ماتعاملش الخطة إنها صنم و في الآخر تيأس و تمشي عشوائي يدون تخطيط.

الخطة وظيفتهم إنها تعرّفك خطواتك فين، حتي لو خالفتها مرة أو اتنين أو عشرة.. بس تبقي علي علم إنت فين و ناقصلك إيه.

آسف، ملهاش ترجمة. دي عبارة عن كلمتين مدمجتين في بعض: كلمة Entrepreneurship (ريادة أعمال) و كلمة Leadership (القيادة). المصطلح ده اخترعه رجل الأعمال و الخبير المالي الأمريكي (ديف رامزي)، و هو يختصر جدال كبير في تعريف مفهوم القيادة و الريادة. الـLeader هو اللي بيعمل تأثير ملموس في اللي حواليه. و الـ Entrepreneur هو اللي بيبدأ بيزنس.

صاحب العمل ذو الدور المؤثر في مجتمعه (نفسه، ثم أسرته، أصدقائه، ثم الدايرة الأوسع فالأوسع). الإنسان اللي تلاقي أثره باين علي اللي حواليه.

إحنا طالعين الساحل كمان نص ساعة .. جاي؟
آه جاي.. أنا جاهز!

عارف النوعية دي من الصحاب؟ في ناس زيهم فيما يخص الـ Career:

عندك إنترفيو بُكـ....

- جاهز!

الكلام ده مش محتاج سحر. ده محتاج بس إنك تبقي دايماً بتطور نفسك: تصحي علي الريق تاخدلك كورسين تلاتة من علي النت، تسمعلك تلتاشر فيديو تعليمي، تقرالك مقالين تلاتة.

في إمكانك تبقي مرجع من مراجع علم من العلوم خلال سنة لو بتقضي 3 ساعات في دراسته يوميا. الأمر يستحق.

ماتكلمش حد عن أحلامك ولا طموحاتك. ماتكلمش عن نفسك عن الـ Skills بتاعتك ولا قدراتك ولا الكتب اللي قريتها ولا الإيفنتات اللي بتروحها. ماتحكيش لحد عن خطتك قصيرة و طويلة المدي. خلي أهدافك لنفسك، الرد المتوقع إنك هتلاقي شخص يسخر، أو يشكك، أو يجادل، أو يقولك: يبني سيبك من ماجستير هارفارد ده و تعالي أقدملك في شغلانة حكومية زي أبوك.. أو وارد شخص يُعجب بدماغك فيحسدك، أو يسرق أفكارك .. أو أو ..إلخ.

ماتتكلمش مع حد إلا في النقاط المشتركة بينكم. لو ضروري تتكلم.. اتكلم مع الشخص المعنِي.. اللي هتدخل معاه بيزنس، أو اللي بيعملك إنترفيو مثلا.. و الأهم من إنك تتكلم هو إنه يحس بمصداقية كلامك، يعني متقولش إنك أشطر واحد في الـ Presentation Skills.. أنا هحسها في كلامك و انت بتحكيلي. خليني أحسك و أشوفك .. ماتصدعش دماغي!

Show, don't tell.

حسن التعامل مع المظهر و الهندام -- بالذات في العمل. الأظافر المقصوصة و تحتها نضيف (بما فيها أظافر الأقدام عشان بنشوف بلاوي لما بنيجي نصلي مثلا).. الأسنان المغسولة حتي لو كنت مدخن، الفم المتعقم بغسول الفم، الشارب و اللحية و الشعر المتهذبين، اختيار الألوان .. لون الهدوم للبنت و الرجل. طبعا كل شركة محترمة بيكون ليها Dress Code خاص بيها، و بيكون ليها Hygiene Code كذلك.. لكن غالبية الأمور دي متفق عليها.

المهارات اللي لا غني عنها و بتشترك فيها كل الوظائف. أنا و الله و الله بلاقي شباب عندهم قدر عالي من مهارات اللغة و البيزنس و تلاقيه مايعرفش يحط كلمتين و صورة علي الـ PowerPoint.

للأسف الـ Essentials (الضروريات) معادتش هي الـ Basics (الأساسيات). بمعني أصح الأساسيات أصبحت غير كافية، لأن احتياجات السوق بتزيد، و طبيعة كل وظيفة بتطور و تختلف كل سنة عن اللي قبلها. استخدام السوشال ميديا و كتابة بوستات أو نشر صورك و عليها مواعظ و أحكام مش دليل علي إتقانك للكمبيوتر.
انتشار السمارت فون و قيامه بمعظم مهام الكمبيوتر في الفترة من 2012 إلي الآن خلَّي في تراجع عجيب في إقبال الشباب علي مهارات الكمبيوتر. مش قادر أفهم يعني إيه محاسب مش فاهم إكسيل!

إزاي تتعامل مع الحاجات اللي بتقاطعك تلفت انتباهك و تشتت تركيزك عن الـ Tasks بتاعتك علي مدار اليوم؟

الموضوع ده يتحقق بإنك تصحي الصبح و تكتب حاجتين: الأولي: To-do List و التانية: Not-to-do List.

الأولي فيها الحاجات اللي لازم تعملها
التانية فيها الحاجات اللي بتعطل وقتك و تشفط الوقت و الطاقة (و غالبا الفلوس).

في الأولي تكتب المهام اللي وراك، جنبها خانة تحدد فيها أنجزت إيه و بنسبة % و ناقص إيه.

في التانية تكتب الحاجات اللي بتعطلك و تجاهلت منها كام حاجة أو قللت التجاوب مع معها بنسبة كام %.

شوية شوية هتتقن الموضوع ده، بس لازم ماتيأسش من أول مرة، في البداية ممكن ماتنجزش حاجة من اللي في الليستة، بعدين هتنجز حاجة، ثم اتنين، ثم تلاتة.. هيبقي في تحسن كما و كيفاً بإذن الله.

تسمع و عينك في عين اللي قدامك، و بتهز راسك و مش بتقاطع إلا بكلمات (أو شبه كلمات) قصيرة من نوعية: "إم.. فعلاً.. بالظبط.. " و بتظهر الاهتمام و التفاعل.
و لو اللي قدامك رغاي لازم تعرف توجهه بأسئلتك، و مفيش مشكلة لو هتضطر تقاطعه بذوق عن طريق إنك تسأل السؤال و تخليه يجاوبك فتسأله Follow-up Question بحيث تاخد زمام المبادرة و تقود المحادثة للاتجاه المطلوب و ماتسرحش و تسيبه يسرح بيك و يفسحك في الشغل و الرياضة و السياسة و الأفلام و الجواز لغاية ما الوقت يضيع.

حس الدعابة هو القدرة علي حسن التعامل مع النكات أو المواقف الطريفة.
حس الدعابة من الأمور المكتسبة اللي ممكن تتعلمها، مش بالضروري تكون مهرج، لكن يكفي إنك تعرف تتقبل المزاح (مادام بدون إهانات)، و تعرف تسف علي أخطائك، و توجه المزاح ناحية الغير بدون إهانة أو تلميحات عنصرية.

إنك تبقي حقيقي، طبيعي، غير متكلف. ماتعيشش شخصية حد تاني، ولا تسرق إفيهات حد، ولا تستعير قصص نجاح حد، و لو تفتعل ولا تحزق و انت بتحمّس الناس، ولا تتكلم بسرعة زي بعض إعلانات المراتب و الخلاطات اللي علي قنوات الأفلام.

اتكلم لغة الناس، لو الناس حسوا بالصدق فيك هيلتفوا حواليك، ماتحاولش تصنع Follow وهمي لنفسك. أنا قسما بالله أعرف شاب كان بيعمل أكاونت Ask و يفضل يبعت لنفسه عشان يبان إن الجماهير شغوفة بيه. طب ليه؟ لو عندك قيمة بتقدمها.. الناس كدة كدة هتلتف حواليك.

ماتحطش لنفسك ألقاب و مناصب وهمية، ولا هاشتاجات مكلكعة. خليك بسييييط و فاكك خالص و خلي البساط أحمدي. استخدم بس لغة راقية و قرب من الناس بس خلي في مسافة احترام.

إنك تقدر تشيل مسؤولية و قد كلامك. الـ HR أو المدير في الإنترفيو بيحتاج يسمع طمأنة بشكل عملي، لأن الانترفيو في الأول و في الآخر هو عبارة عن "وعد بإنك تشتغل بضمير". حاول تثبت ده عملياً بإنك تكلمه عن "إنت عملت إيه قبل كدة" عشان يتفاءل بإنه يشغلك عشان "تعمل مستقبلا".

دبلوماسي يعني ابن بلد و جدع بس شيك في كلامك، بتحترم الكل، باشا في مظهرك (بلا تكلف)، مابتدخلش في صراعات في الشغل، مابتركزش غير في شغلك و نيل محبة الناس و خدمتهم، مش بتتكلم كلام صغير ولا تافه، مابتدخلش في جدالات سياسية و دينية، روحك حلوة و شخصيتك جذابة، بس في حاجز من الاحترام.

Be friendly, not a friend.

ده مصطلح من اختراعي (زي ما كتير من اللي كتبتهم فوق من اختراعي).

المصطلح ده معناه إنك تبقي حشري بس بشكل احترافي. إزاي و ليه؟؟
علشان تأمّن شغلك لازم تتجنب إن حماقة الآخرين مش هتبوظلك شغلك. ممكن تبقي إنت 100/100.. بس في موظف غبي بيعك فالسيئة تعم ع الكل. يبقي بالتالي لازم تعرف باقي القطاعات و الأقسام و الإدارات، تعرف اللي شغالين فيها، و مهامهم و نقاط ضعفهم .. عشان تحمي نفسك و شغلك.

الطمأنة. إنك تطمّن العميل و تحسسه - بدون تكلف - إنك حريص علي خدمته، و تمتص غضبه و تبينله إنك متفهم سر خوفه أو غضبه أو قلقه.
إنك تطمن زميلك/ زميلتك اللي عندهم Deadline أو Presentation إنك هتساعدهم.. و يا ريت تستخدم عبارات مؤثرة من نوعية "مش هسيبك.. ماتقلقش.. أنا معاك" و تحط في بالك إن الشخص القلقان أو الخايف مش بيشوف الأمور علي حقيقتها.. فتبسطله الموضوع قدر المستطاع "بسيطة.. إن شاء الله هنحلها.. لا لا ماتخافش.."

القدرة علي احتواء الناس بالكلمة الطيبة دي مهارة أخلاقية جداً جداً.

الدقة و العناية بالتفاصيل. بلاش تثق في ذكاء اللي حواليك و اهتمامهم بالتفاصيل، معلش إبذل/ ابذلي مجهود زيادة عشان الصورة كاملة تطلع حلوة.