اشترى جهاز مستعمل ولا جديد وايهما افضل لي؟

من اكثر الاسئلة المحيرة عند شراء جهاز هاتف او حاسوب مكتبى او محمول لابتوب، هل اشتريه جديد ولا مستعمل؟!، وفى هذه التدوينة سنلقى الضوء بشكل مبسط على هذه المشكلة مع اعطاء نصائح بسيطة لها ان شاء الله.    

 قد يفيدك

جهاز جديد ام مستعمل افضل

 بالتأكيد الجديد ان كان هاتف محمول او كمبيوتر محمول او مكتبى ديسك توب فهو افضل بكثير وذلك لعدة اسباب منها التحديث للأفضل دائمآ والعمر الافتراضى لهذه الاجهزة افضل واطول من القديم "يوزد" used وانت كنت لذلت فى حيرة من امرك فتابع هذه السطور لعلك تحصل على اجابة مبسطة.

نصيحة مهمة للي الناس اللي بتحب تشتري مستعمل دايماً

قبل أي حاجة لو معاك فلوس تجيب جهاز جديد إوعى تتردد وتقول هوفر نص السعر (الا اذا كنت بتشتري من حد مضموووون)
لكن طالما فلوسك موجودة إوعى تشتري المستعمل.

من رأيي الشخصي وتجربة على مدار السنين اللي فاتت اللي يخليك تلجأ للمستعمل هو إن مفيش فلوس كفاية غالباً وكلنا مرينا او بنمر بالمرحلة دي لحد ما ربنا يكرم.

صحيح فيه اجهزة بتكون لقطة اوووي بس خليني افكرك ان اي جهاز ف الدنيا ليه عمر افتراضي بيقل مع مرور الوقت والاستخدام
يعني متضمنش الجهاز دة هيعيش معاك فترة قد ايه.

او مشاكله اللي هتظهر معاك بعد كدا ايه (دة طبعا غير انك متعرفش اللي كان بيستعمله قبلك كان بيستعمله استعمال خفافي ولا مطلع عينه طول الوقت واما كفاءته بدأت تقل قالك الحق اتصرف فيه!)

فلازم تاخد ضمان ع المستعمل + تشتري من شخص كويس او مكان سمعته كويسة في المستعمل بالذات لان دي ممكن تكون تحويشة معاك وتجيب جهاز تنبهر بمواصفاته بس وفي الاخر تلبس

ياريت الكل يخلي باله وتاخد فاتورة شراء وضمان بحقك عشان لو الجهاز ظهر فيه عيب

ومهم اوي قبل ما تشتري تخلي اللي بيبيعلك يذكر كل العيوب حتى لو خدش مش ظاهر عشان لو لقيت عيب هو مقالهوش ترجعله وتفكره بكلامه طبعا يكون معاك حد شاهد ع الكلام

المستعمل مش وحش وفيه أجهزة فعلاً تغنيك عن الجديد اللي اسعارهم مولعة ويقضي احتياجاتك (خاصةً لو حالته حلوة) .. بس لازم تاخد بالك كويس عشان متلبسش

وبقولك تاني طالما فلوسك حاضرة كلها وقادر تجيب زيرو هااااات

وربنا يوسع ع الجميع 

قد يفيدك ايضا