شغل المواسم السنويه بالنسبه للتدوين وصناعه المحتوى الموسمى

 ايام الاعياد المباركه اليوم وغدا وبعدها بأيام قليله سيحل علينا شهر رمضان المعظم وكل عام وكل مصرى وعربى بخير وسلامه
 دى فرصه مناسبه للحديث عن شغل المواسم السنويه بالنسبه للتدوين وصناعه المحتوى الموسمى وجايلك مسلسلات وبرامج وغيرها من المواضيع فى شتى المجالات تقريبا
  والتى يتابعها الملايين فى الوطن العربى اكثر من 450 مليون عربى او تقريبا 180 مليون مستخدم نشط من المحيط الى الخليج غير المغتربين فى باقى دول العالم يعنى اعداد ضخمه جدا من رواد الانترنت فى هذه الفتره من العام
وعلشان تستغل اى موسم يمر عليك افضل استغلال عليك باتباع نهج التحليل السليم

اداه الاستكشاف فى جوجل ترند بتقول ان فى موسم ضخم فى شهر 6 القادم فى دوله السعوديه على سبيل المثال وده يوضح اهميه دراسه وتعلم الاستخدام الامثل لهذه الاداه الناجحه جدا فى قياس مدى قوه او ضعف الطلب على اى كلمه رئيسيه ممكن تتخيلها

بدون خوض المنافسه لا يوجد سوق ولا يوجد زوار ولا مشترين ولا ا ى شىء



وطالما ان الكلمه او الموضوع عليه منافسه مناسبه يعتبر نموذج مثالى للكتابه عنه

هنعمل ايه او هنستفاد ايه لو كتبنا مواضيع عشوائيه بدون فحص وتحليل او اخترنا مواضيع ليس عليها منافسه من احد ؟ طبعا لا شىء وهنضيع وقت ف الفاضى

اداه البحث عن الكلمات الرئيسيه الهامه من خلال اداه مخطط جوجل كيورد بلانر
ثم تشغيل الاستكشاف عن الطلب فى الوقت الحقيقى من خلال جوجل ترند
والدمج الناجح بين هذه الادوات هيطلع لك افكار رهيبه للكتابه عن مواضيع لم تكن تتخيلها ولو فهمت وعرفت وقدرت تستخدمهم صح هتوصل بسرعه الصاروخ

ضيف عليهم الدمج الاجبارى والضرورى بين اداه سيرش كونصول واناليتكس من جوجل فيما يخص تحسين كلماتك الرئيسيه التى تحرز الهدف فى الوقت المناسب

زياده الزوار وزياده الارباح وتحسين وتطوير الموقع ككل ينبغى ان تبدء بالبناء على اساس متين وواضح بالتحليل المبنى على دراسه سلوك المستخدم على مدار العام
وتوقع نيه المستخدم قبل واثناء وبعد الوصول الى الموقع
كل ده تقدر تعمله بسهوله وبساطه وبدون تعقيد ومجانا تماما وباستخدام ادوات جوجل

1- مخطط الكلمات الرئيسيه من جوجل كيورد بلانر

2- اداه الاستكشاف فى جوجل ترند

3- سيرش كونصول من جوجل

3- تحليلات جوجل اناليتكس

5- جوجل درايف

6- مجموعات جوجل

7- مواقع جوجل المصغره ( جوجل سايت )

8- جوجل تاج مانجر

9- البيانات المنظمه من جوجل

10- جوجل ادس ( اقوى وانجح شبكه اعلانات )

الاستعانه بخدمات جوجل هذه ليس فقط لانها مجانيه وناجحه لاء لانها ايضا المالك الحقيقى لاضخم واكبر قاعده بيانات على الانترنت ووتعطى نتائج فعاله حقيقيه

بعد ما تتعلم وتفهم شغل كل الادوات دى هتحس لاول مره انك صحيت بدرى قبل المنافس بتاعك واللى بيصحى بدرى بيوصل بدرى اول واحد